Филипче: Македонија со најнизок економски раст во регионот според Светската банка

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Македонија со најнизок економски раст во регионот според Светската банка

29 април 2025

• од Вардарски

Претседателот на СДСМ, Венко Филипче, денеска ја посети општина Радовиш каде се сретна со граѓаните и разговараше за економските и социјалните проблеми со кои тие се соочуваат. Во своето обраќање, Филипче упати сериозна критика кон економската политика на актуелната власт, нагласувајќи дека состојбата во земјата е алармантна.

„По десет месеци од новата власт, разочарувањето е големо. Цените продолжуваат да растат, платите стагнираат, а граѓаните сè потешко врзуваат крај со крај“, рече Филипче, изразувајќи загриженост за секојдневниот живот на граѓаните.

Според него, и покрај бројните предлози и закони што СДСМ ги доставува во насока на економско раздвижување и зголемување на платите, власта не покажува слух за решавање на проблемите. Особено алармантна, според него, е најновата проекција на Светската банка, според која Македонија ќе има најнизок економски раст во регионот годинава.

„Владата ветуваше лидерство во регионот, а ние сме на дното. Ова е резултат на погрешни економски политики и негрижа за граѓаните“, изјави лидерот на СДСМ.

Филипче потенцираше дека неговата партија останува доследна на заложбата за подобар живот за сите и најави дека СДСМ ќе продолжи со конкретни решенија за справување со економската криза.

„Силно верувам дека граѓаните ќе ја препознаат искрената намера и чесните политики кои ги нудиме“, додаде тој.