Филипче: Македонија стагнира, додека Црна Гора и Албанија напредуваат кон ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Македонија стагнира, додека Црна Гора и Албанија напредуваат кон ЕУ

27 мај 2025

• од Вардарски

Претседателот на СДСМ, Венко Филипче, во своето гостување во телевизиската емисија „360 степени“, остро ја критикуваше актуелната влада за, како што рече, лицемерен однос кон процесот на европска интеграција и отсуството на вистински напори за создавање национален консензус околу преговорите со Европската Унија.

„Сметам дека е лицемерно премиерот да повикува на национален консензус, а во исто време да не е подготвен да седне на маса и да дискутираме за суштинските прашања поврзани со тој консензус“, изјави Филипче.

Тој истакна дека на денешниот состанок на Националниот совет за евроинтеграции го презентирал предлог за надминување на отворените прашања поврзани со преговарачката рамка, со посебен фокус на т.н. француски предлог. Како клучен елемент го посочи протоколот поврзан со работата на историската комисија, кој според него, не претставува формална пречка за напредокот на преговорите.

„Протоколот кој го објаснува функционирањето на историската комисија не значи дека работата на таа комисија може да ги стопира преговорите. Тоа треба јасно да се објасни и дебатира, заедно со експертите, бидејќи очигледно има различни толкувања“, додаде Филипче.

Претседателот на СДСМ предупреди дека ваквото однесување на Владата води до реална стагнација на Македонија, додека соседните земји, Црна Гора и Албанија, веќе забележливо напредуваат во процесот на евроинтеграција. „Времето минува брзо – за две до три години овие земји ќе бидат на прагот на членство во ЕУ, а ние ќе останеме заглавени. Тоа ќе биде сериозен удар врз надежите и мотивацијата на граѓаните“, рече тој.

Филипче потенцираше дека Владата има одговорност да ги води процесите, без да се повикува на минати грешки. „Не може да се оправдуваат со тоа што било претходно. Тие се сега на власт и мора да најдат начин да ја движат државата напред. Иднината на земјата не смее да се става на коцка“, подвлече Филипче.

Со оваа изјава, Филипче испраќа јасна порака до Владата – дека потребна е поголема политичка зрелост, одговорност и отвореност за соработка, за Македонија да го надмине застојот и да се приклучи кон европското семејство со конкретни чекори и резултати.