Филипче: Мицкоски е уплашен од вистината за договорот за мигранти за пари

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Мицкоски е уплашен од вистината за договорот за мигранти за пари

15 декември 2025

• од Станча Јаќимовски

Претседателот на СДСМ, Венко Филипче, во вечерашното гостување во централниот дневник на ТВ Сител остро реагираше на најавата на премиерот Христијан Мицкоски дека Јавното обвинителство треба да се позанимава со изјавите на СДСМ во врска со наводен договор за прифаќање мигранти од Велика Британија.

Филипче оцени дека ваквата реакција на премиерот е директен доказ дека владата се плаши од објавување на вистината.

„Ја видов изјавата на премиерот и тоа е доказ дека е уплашен дека ќе излезе вистината – дека во Лондон е договорено преземање на мигранти за пари, на кои Британија не сака да им даде азил и бара начин да ги исели од својата територија“, изјави Филипче.

„Им удрија шлаканица на граѓаните“

Лидерот на СДСМ смета дека власта целосно ги игнорира ставовите и грижите на граѓаните.

„Ги понижија граѓаните, им удрија шлаканица. Им порачаа дека не е важно што мислат, што сакаат и како резонираат. Вие не гласавте, сега ние ќе правиме што сакаме“, рече Филипче.

Тој нагласи дека сомнежите за ваков договор не се темелат само на медиумски шпекулации.

„Не се работи само за пишувањата на најугледните британски и европски медиуми. Имаме и информации директно од Лондон дека договор за мигранти за пари е направен“, истакна Филипче.

Предложена резолуција, одбиена од власта

Филипче потенцираше дека СДСМ не сака да создава паника, туку понудила конкретно решение – резолуција што би ја потпишале сите парламентарни партии.

„Предложивме резолуција со која сите заедно ќе гарантираме дека никој и никогаш нема да донесе мигранти за пари во државата. Ако нема што да кријат, зошто не ја потпишуваат?“, праша тој.

Демант за обвинувањата за мигрантски камп

Во однос на тврдењата дека како министер во владата на Зоран Заев гласал за изградба на мигрантски камп во Бардовци, Филипче ги оцени како спин.

„Вистината е дека постоеше проект на МВР за привремено сместување на мигранти кои веќе нелегално влегле и се движеле низ државата. Идејата беше тие да бидат изолирани од населението додека не се подготват документите за нивно напуштање на земјата“, објасни тој.

Филипче потсети дека и денес постои прифатилиште во објект во Гази Баба, среде населба, и дека токму тогашната опозиција го спречила изградбата на соодветен центар надвор од урбана средина.

„Тоа нема никаква врска со ова што денес се случува – со прифаќање мигранти за пари на кои Британија, од безбедносни причини, не им дава азил. За Британија не се прифатливи, а за нас, според договорот на владата, стануваат прифатливи за пари“, рече Филипче.

„Владата ја нарушува довербата со Британија“

На прашањето дали ваквите ставови можат да го нарушат односот со стратешкиот партнер Велика Британија, Филипче одговори дека одговорноста е кај владата.

„Напротив, владата на Мицкоски ја нарушува довербата со тоа што крие од граѓаните што договорила“, истакна тој.

На крајот, Филипче повторно апелираше до пратениците од владејачкото мнозинство да ја поддржат резолуцијата.

„Зошто не сакаат заеднички да излеземе пред граѓаните со гаранција дека нема да прифаќаме мигранти за пари – лица кои не можат да одат во ЕУ и не можат да се вратат во своите држави, најчесто поради криминални досиеја? Ние се стремиме кон ЕУ. Што ќе правиме со луѓе на кои таму им е забранет влез?“, изјави Филипче.