Филипче: Мицкоски подготвува избори за да го протне проектот „Мигранти за пари“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Мицкоски подготвува избори за да го протне проектот „Мигранти за пари“

12 декември 2025

• од Станча Јаќимовски

Претседателот на СДСМ, Венко Филипче, денеска остро ја обвини владата предводена од премиерот Христијан Мицкоски дека под превез на лаги и манипулации го крие, како што го нарече, проектот „Мигранти за пари“, со цел истиот да го реализира по парламентарните избори кои, според него, се планираат за пролет.

На денешната прес-конференција, Филипче предупреди дека актуелната власт свесно одбива да ја потпише Резолуцијата против мигранти, чекајќи го изборниот период да помине, за потоа да започне со сместување на мигранти во станови и нивно вработување во државата.

„Избори се планирани за пролет, и по моделот на Вучиќ – ‘ќе има, нема да има, па сепак ќе има’ – Мицкоски со истата техника се обидува да го протне проектот ‘Мигранти за пари’. Целта е да му се замачкаат очите на народот, да се изврши ова страшно дело, а по изборите да си обезбеди уште четири години власт, доволно време за да се избришат трагите од една од најголемите измами што граѓаните на Македонија ја доживеале во својата историја“, изјави Филипче.

Тој истакна дека премиерот одбива да даде јасни и недвосмислени гаранции пред јавноста дека ваков проект нема да се реализира, токму затоа што, според СДСМ, таква гаранција не може да даде. Како што нагласи Филипче, Мицкоски веќе се обврзал на прифаќање мигранти како дел од пакет-договорот поврзан со кредитот од Велика Британија.

Во тој контекст, претседателот на СДСМ потсети дека партијата вчера започнала и петиција за, како што рече, „одбрана на Македонија“. Преку петицијата, СДСМ ги повикува пратениците, членовите на владејачката партија, како и сите граѓани, да ја поддржат иницијативата со цел зачувување на стабилноста, безбедноста и иднината на државата.

„Ова не е прашање на партиска политика, туку на национална одговорност. Граѓаните имаат право да ја знаат вистината и да одлучуваат информирано за иднината на Македонија“, порача Филипче.