Филипче: Младите не смеат да ги враќаат долговите од 7 милијарди направени за бизнис интерес на власта

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Младите не смеат да ги враќаат долговите од 7 милијарди направени за бизнис интерес на власта

23 јуни 2025

• од Станча Јаќимовски

Претседателот на СДСМ, Венко Филипче, упати остра критика кон актуелната власт за време на своето обраќање пред младите социјалдемократи, обвинувајќи ја за енормно задолжување на државата и негрижа кон иднината на младите генерации.

Филипче потенцираше дека Македонија е задолжена со повеќе од 7 милијарди евра, пари кои, според него, се земени на „сомнителен начин“, без јасен отчет и без забележителен развој. Тој ја осуди оваа пракса како длабоко неморална и опасна, посочувајќи дека токму младите – па дури и идните, неродени генерации – ќе ги сносат последиците од ваквата политика.

„Страшно ми е што сите вие, младите, па дури и вашите неродени деца треба да враќаат седум милијарди евра коишто се земени на којзнае каков, на сомнителен начин. Тоа е недозволиво“, изјави Филипче.

Тој ја обвини актуелната власт за нефункционален систем кој, како што рече, им ги скратува шансите на младите да успеат преку сопствени заслуги. Наместо можности и перспектива, се нуди клиентелизам и корупција.

„Целосно неодговорна власт. Ниту има опции, ниту има можности, ниту има какви било индикатори за светла и добра иднина на младите. Единствено нешто што треба да имате е партиска книшка“, рече тој.

Филипче иронично го критикуваше фактот што, според него, е можно да се добие работа со фалсификувана диплома и без потребните квалификации, додека вистинските вредности и знаење се маргинализираат.

„Тоа значи дека сценариото е – да добиете работа со купена диплома, без полагање англиски, со документ од студиото Јулија од Бугарија. И никому, ама баш никому, око да не му трепне“, истакна тој.

Со ваквите изјави, лидерот на СДСМ го заострува политичкиот дискурс, нагласувајќи ја потребата од системски промени и одговорност пред граѓаните, особено пред младите кои, според него, се жртви на погрешните политики и кратковидите интереси на власта.