Филипче: „Одлуката на ДПМНЕ е разочарувачка – ова беше момент за човечност, не за политика“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: „Одлуката на ДПМНЕ е разочарувачка – ова беше момент за човечност, не за политика“

14 мај 2025

• од Гоце Кически

Претседателот на СДСМ, Венко Филипче, остро реагира на одлуката на ДПМНЕ и нејзините коалициски партнери да не го поддржат предложениот закон за финансиска помош на семејствата на настраданите и повредените во трагедијата во Кочани.

Во официјалното обраќање, Филипче нагласи дека СДСМ од првиот ден по несреќата покажала целосна почит, сочувство и одговорност. Според него, партијата не се впуштила во политички обвинувања, туку фокусот бил ставен на поддршка за институциите и помош за настраданите.

„Го ставивме страдањето на нашите сограѓани над политиката. Покажавме емпатија и конструктивност – и како партија, и како поединци,“ изјави Филипче.

Законското решение што го предложила СДСМ имало единствена цел – обезбедување на финансиска поддршка за најпогодените семејства, без какви било политички мотиви. Но, одбивањето на поддршката од страна на ДПМНЕ, според Филипче, претставува „вистинско разочарување“.

„Не можам да најдам разумно објаснување за оваа постапка. Не станува збор за политика, туку за човечност, морал и совест – нешто што очигледно им недостасува на пратениците од ДПМНЕ,“ рече лидерот на СДСМ.

Тој потенцира дека државата мора да биде на страната на своите граѓани, особено во моменти на голема трагедија и страдање.

„Ова не беше момент за политички инает, туку за заедничка грижа,“ додаде Филипче, најавувајќи дека СДСМ ќе продолжи да се залага за вистински вредности и ќе дава поддршка таму каде што е најпотребна.