Филипче: Ова е еден од најлошите извештаи за Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Ова е еден од најлошите извештаи за Македонија – реформи нема

18 ноември 2025

• од Станча Јаќимовски

Претседателот на Националниот совет за евроинтеграции и лидер на СДСМ, Венко Филипче, на заедничката седница на НСЕ и Комисијата за европски прашања, упати сериозни критики за реформските процеси и европскиот напредок на државата. На седницата беше разгледан најновиот извештај на Европската комисија за напредокот на Македонија, кој, според него, открива загрижувачка состојба.

„Ова е еден од најлошите извештаи што ги имаме добиено“

Филипче оцени дека документот јасно укажува на стагнација во реформите, а владата, како што рече, нема политичка волја да ги спроведе потребните промени.

„Овој извештај јасно кажува дека реформи нема, го губиме времето. Ова е еден од најлошите извештаи кои што државата ги добила. Полош е само тој во 2015 година, кога сме оценети како заробена држава,“ изјави Филипче.

Според него, нема напредок во клучните области, што создава ризик Македонија да се соочи со нови услови за отворање на пристапните поглавја.

Клучни забелешки: правосудство, корупција, медиуми, економија

Филипче ги пренесе главните забелешки на Европската комисија, кои се однесуваат на правосудството, справувањето со корупцијата, медиумските реформи, економската политика и образованието — сектори во кои или нема напредок, или е забележано назадување.

Тој особено предупреди на обидите на Владата да влијае врз независните институции:

„Владата се обидува да ги покрие и да врши влијание на сите независни институции. Најсилно на судската власт, со јасен притисок што за првпат од 1991 година предизвика отворена реакција од судиите – преседан во нашето општество,“ истакна Филипче.

Економските политики под сериозни критики

Во делот на економијата, Европската комисија нотирала дека нема напредок во клучните реформи. Филипче предупреди дека Владата доцни со фискалната консолидација и го одложила започнувањето на Законот за органски буџет, кој требаше да стапи во сила во 2025 година.

„Европската комисија утврдува дека Владата нема напредок во клучните економски критериуми. Доцни со плановите за фискална консолидација и ги одложи сите планови за имплементација на Законот за органски буджет,“ додаде тој.

Нема интерес за неповратната финансиска помош од ЕУ

Филипче исто така потенцираше дека Владата не покажала интерес за последната транша од макрофинансиската поддршка од Европската унија — неповратни средства кои се поврзани со исполнување на неопходни реформи.