Филипче: Оваа Влада е историски најлоша влада од независноста до денеска и тоа се виде само за една и пол година

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Оваа Влада е историски најлоша влада од независноста до денеска и тоа се виде само за една и пол година

18 октомври 2025

• од Станча Јаќимовски

Претседателот на СДСМ, Венко Филипче, вечерва на митинг во Крива Паланка порача дека Македонија се наоѓа пред историска одлука и повика на масовно излегување на гласање во недела.

„Оваа Влада е историски најлоша од независноста до денеска и тоа се виде само за една и пол година“, изјави Филипче, обвинувајќи ја актуелната власт за неисполнети ветувања, порази и понижувања.

Повик за промени и обединување

Филипче ги повика граѓаните „да ја покажат својата сила на изборите“, нагласувајќи дека со секој глас може да се испрати силна порака за промени.
„Во недела одлучуваме дали ќе ја вратиме правдата, достоинството и чесноста во нашата земја. Одлучуваме за иднината на секое семејство и сигурна иднина за младите“, рече тој.

Тој истакна дека СДСМ секогаш ја водела Македонија напред, со конкретни политики и дела, а не со лаги и манипулации.
„Сакаме достоинствени плати, праведна држава и институции што служат на граѓаните. Тоа можеме да го постигнеме само ако масовно излеземе и гласаме – за нашата држава, за нашиот дом, за број 5“, додаде лидерот на СДСМ.

„Се враќа силата на народот“

Филипче порача дека е време народот повторно да ја преземе државата во свои раце.
„Време е да се исправиме, да ја покажеме нашата сила, да ја вратиме надежта и државата во рацете на народот. Во недела, секој глас е важен. Се враќа силата на народот, се враќа СДСМ“, рече тој, додавајќи дека овие избори се „момент на обнова и единство“.

Тој потенцира дека Македонија се соочува со избор меѓу „држава со ред, правда и чесност“ и „хаос, корупција и привилегии за блиските на власта“.

Критика кон актуелната власт и Мицкоски

Во своето обраќање, Филипче остро ја критикуваше актуелната влада, предводена од ВМРО-ДПМНЕ и нејзиниот лидер Христијан Мицкоски.
„Мицкоски има апсолутна власт – централна и локална, сè е под негова контрола, а покажува историска неодговорност. Влада без резултати, без план, без реализирани ветувања“, рече тој.

Според Филипче, ВМРО-ДПМНЕ ја киднапирала кампањата, сеела поделби и водела негативна пропаганда против СДСМ. „Нема ниту еден резултат да излезе пред граѓаните и да го соопшти“, истакна тој.

Поддршка за Крива Паланка и повик на единство

Во својот говор, Филипче ја пофали работата на СДСМ во Крива Паланка и градоначалникот Сашко, за кого рече дека „делата зборуваат гласно“.
„Крива Паланка е еден од најубавите градови во државата благодарение на посветената работа на локалната власт. Борбата за Крива Паланка ќе продолжи со нов мандат и победа на СДСМ“, изјави Филипче.

Тој заврши со порака дека СДСМ се враќа посилна и подготвена да ја обнови државата:
„СДСМ е партијата што ја донесе независноста, што ја внесе Македонија во НАТО и што ги отвори вратите кон Европа. Нашата борба е за држава на сигурност, правда и достоинствен живот“, порача тој.