Филипче: Пензионерите се нови жртви на лагите на власта

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Пензионерите се нови жртви на лагите на власта – наместо 2.000 денари, добија само 1.000

03 октомври 2025

• од Станча Јаќимовски

Претседателот на СДСМ, Венко Филипче, остро ја критикуваше актуелната власт поради, како што рече, измамите кон пензионерите. Тој истакна дека 97% од нив добиле само по 1.000 денари зголемување на пензијата, наместо двојно повеќе.

„Излажани се сите категории граѓани“

Филипче потсети дека ова не е првпат граѓаните да се чувствуваат изневерени:
„После работниците на кои три месеци по ред им се намалува просечната плата. После лекарите кои не добија ниту денар зголемување. После земјоделците кои останаа без субвенции и семејствата што не видоа зголемување на социјалната помош – сега и пензионерите сфатија дека се излажани,“ рече тој.

Пензиите со половично зголемување

Тој подвлече дека доколку останеше методологијата воведена од СДСМ, пензионерите денес ќе имаа двојно поголем раст на примањата:
„Да останеше нашиот систем за зголемување на пензиите, 97% од пензионерите наместо 1.000 ќе земеа 2.000 денари повеќе.“

Загрозен Пензиски фонд

Филипче предупреди дека со воведувањето на линеарното зголемување на пензиите сериозно се загрозува стабилноста на Пензискиот фонд.
„Дупката која беше 30% сега е 50%. Тоа значи дека половина од парите за исплата на пензиите ги покрива државата. Во 2017 година ја затекнавме таквата дупка и постепено ја намаливме на 30%. Имавме систем кој го зајакнува фондот и гарантираше стабилност,“ изјави лидерот на СДСМ.

„Ветувањата се илузија“

Тој додаде дека и сегашното зголемување е без ефект поради инфлацијата:
„Овие 1.000 денари се веќе изедени од инфлацијата. Пензионерите едноставно нема да почувствуваат ништо. Се покажа уште една лажна кампања.“

Завршна порака

Филипче подвлече дека не е работа на власта да ги прелаже граѓаните, туку да им понуди вистински решенија:
„Работата е да им кажеш како се работи во нивна корист и во интерес на државата,“ порача тој.