Филипче по одбивањето на законот за Кочани: „Ова не беше момент за политички инает, туку за одговорност и зрелост“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче по одбивањето на законот за Кочани: „Ова не беше момент за политички инает, туку за одговорност и зрелост“

15 мај 2025

• од Вардарски

Претседателот на Социјалдемократскиот сојуз на Македонија (СДСМ), Венко Филипче, остро реагираше по денешната одлука на ВМРО-ДПМНЕ и нивните коалициски партнери да не го поддржат законот за финансиска помош на семејствата на загинатите и повредените во трагедијата во Кочани.

Филипче ја оцени оваа одлука како „вистинско разочарување“, потенцирајќи дека ова бил момент што барал одговорност и политичка зрелост, а не инает.

„Од првиот ден по трагедијата, СДСМ постапуваше со целосна почит, сочувство и одговорност. Не ловевме политички поени, не обвинувавме, туку дадовме поддршка на институциите. Покажавме емпатија и конструктивност“, изјави Филипче.

Тој нагласи дека предлог-законот што беше поднесен од СДСМ немал политичка позадина, туку исклучиво хуманитарна цел – да им се помогне на семејствата што се соочуваат со најголема загуба.

„Не можам да најдам разумно објаснување за ваква постапка. Не станува збор за политика, туку за човечност, морал и совест – нешто што, очигледно, пратениците на ВМРО-ДПМНЕ го немаат“, рече лидерот на СДСМ.

Според него, државата има обврска да застане зад своите граѓани токму во најтешките моменти. Тој најави дека СДСМ ќе продолжи да се залага за вистински вредности и поддршка таму каде што е најпотребно.

„Ова не беше момент за политички инает, туку за заедничка грижа“, заклучи Филипче.