Филипче: Резолуцијата против мигрантските договори е договор со народот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Резолуцијата против мигрантските договори е договор со народот

13 декември 2025

• од Станча Јаќимовски

Претседателот на СДСМ, Венко Филипче, на денешната прес-конференција изјави дека предложената резолуција за прекинување на процесот за прифаќање мигранти претставува државнички и граѓански одговор на, како што рече, најголемиот и најсериозен проблем со кој моментално се соочува државата – тајниот договор на Владата со Велика Британија за мигранти.

Филипче информираше дека на негова покана се одржала средба со претставници на сите партии од коалицијата, на која се разговарало за сериозноста и потенцијалните последици од ваквите договори. Според него, сите учесници изразиле јасен став дека вовлекувањето на Македонија во модел на прифаќање мигранти претставува огромна опасност за државата и за безбедноста на граѓаните.

„Гледаме дека веќе први мигранти доаѓаат во Косово и Албанија. Тоа дополнително ја потврдува нашата загриженост. Благодарен сум што сите присутни ја поддржаа предлог-резолуцијата за прекинување на овој процес и дадоа свои конструктивни предлози“, истакна Филипче.

Тој нагласи дека резолуцијата не е партиско решение, туку прашање од највисок државен и граѓански интерес. „Ова е силна порака дека кога сме заедно, можеме многу повеќе. Резолуцијата не е партиски предлог, туку договор со народот на Македонија“, рече Филипче.

Според него, документот мора јасно и недвосмислено да гарантира дека во Македонија нема да се прифатат мигранти како резултат на тајни договори, разговори, пакети или условени кредити. Во таа насока, тој упати јавен повик до ВМРО-ДПМНЕ и премиерот Христијан Мицковски да не молчат и заеднички да ја поддржат и изгласаат резолуцијата во Собранието.

„Само така ќе бидеме сигурни дека мигранти за пари во Македонија нема да има“, потенцираше Филипче.

На крајот, тој најави дека политичко-општествената акција што е започната ќе продолжи и ќе се проширува со вклучување на граѓанскиот сектор, младите, синдикатите, студентите и сите демократски сили. Како што нагласи, единствената цел е одбрана на државата, демократијата и безбедноста на граѓаните.