Филипче: СДСМ нуди конкретен план за подобрување на системот за справување со пожари

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: СДСМ нуди конкретен план за подобрување на системот за справување со пожари

11 јули 2025

• од Станча Јаќимовски

ретседателот на СДСМ, Венко Филипче, на денешната прес-конференција упати остри критики кон актуелната Влада за, како што рече, неспособноста да се справи со зачестените пожари низ државата. Тој укажа на недостиг на превентивни мерки и несоодветна реакција на институциите, притоа потенцирајќи дека системот за справување со пожари не функционира ниту на ниво на откривање, ниту на гаснење на истите.

„Мислам дека не се справуваат никако. Навлегуваат во теории за намерно подметнување пожари, што само потврдува дека не се спремни – ниту за откривање, ниту за справување,“ изјави Филипче.

Тој посочи на серијата пожари во региони како Дојран, Крива Паланка и Чучер Сандево, и ја обвини Владата дека не покажала реална способност на терен, туку се занимава со маркетиншки активности.

„Видовме промоција на нови возила за гаснење пожари, но тие не се користат. Тоа покажува дека Владата има интерес да го прикаже системот подобро од тоа што реално е,“ истакна лидерот на СДСМ.

Филипче одби да ја прифати тезата на ВМРО-ДПМНЕ дека СДСМ ја користи кризата за политички поени. Тој нагласи дека партијата како опозиција има обврска да биде критична, но и да понуди решенија.

„Не се ситиме на криза. Додека ние бевме на власт, нашите претставници беа со народот на терен. Лани, за време на нивното владеење, изгоре поголема површина отколку за 10 години. Ова е доказ дека не се справуваат добро,“ додаде Филипче.

Како конкретен чекор, тој најави дека пратеничката група на СДСМ во Собранието ќе ги повлече сите амандмани на ребалансот на Буџетот, со цел сите предвидени средства да бидат пренасочени кон подобрување на системите за заштита – Центарот за управување со кризи (ЦУК) и Дирекцијата за заштита и спасување (ДЗС).

„Ова не е време за политички поени, туку за конкретни мерки. Ги повлекуваме сите амандмани за средствата да одат таму каде што најмногу треба – во институциите кои се на првата линија при справување со пожари,“ рече Филипче, повикувајќи ги и другите партии, особено ВМРО-ДПМНЕ, да покажат политичка зрелост и да се вклучат конструктивно во процесот.

СДСМ, како што најави претседателот, ќе продолжи да предлага мерки и да дејствува во насока на изградба на посилен и поефикасен систем за справување со пожари, кој ќе ги штити граѓаните и природата на државата.