Филипче: Владата ја игнорира трагедијата во Кочани, нема ни „П“ од популизам во законот за поддршка

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Владата ја игнорира трагедијата во Кочани, нема ни „П“ од популизам во законот за поддршка

27 мај 2025

• од Вардарски

Претседателот на СДСМ, Венко Филипче, жестоко ја нападна актуелната Влада и ВМРО-ДПМНЕ за блокирањето на предлог-законот за финансиска помош на семејствата од Кочани кои беа погодени од неодамнешната трагедија. Во гостувањето во емисијата „360 степени“, Филипче нагласи дека предлогот е далеку од политичка манипулација и е исклучиво насочен кон задоволување на реалните потреби на граѓаните.

„Законот во Кочани им нуди конкретна финансиска поддршка на луѓето – тие не можат крај со крај да врзат. Тие се нон стоп по доктори на преврски“, рече тој, потенцирајќи дека институционална поддршка речиси и да нема. „Ништо не добиле тие луѓе. Зарем треба само Црвениот крст да помага? Каде е државата?“, праша Филипче.

Според него, блокадата на законот е уште еден доказ за, како што рече, систематскиот однос на ВМРО-ДПМНЕ кон законите што се во интерес на обичниот граѓанин. „Не поддржаа закон за минимална плата, за плата на работниците во приватниот сектор, за намалување на ДДВ на храна и струја – сè што го олеснува животот на граѓаните е блокирано“, обвини Филипче.

Тој истакна дека зад предлог-законот не стои никаква политичка калкулација. „Нема ни ‘П’ од популизам во овој закон – тоа се реални потреби“, порача Филипче. „Тоа што оваа Влада го прави за Кочани е греота. На луѓето стварно им е потребна помош и поддршка.“

Со овој настап, лидерот на СДСМ упати јасна порака до институциите и политичките ривали – дека партиските интереси мора да се стават настрана кога станува збор за човечки животи и егзистенција.