Филипче: Владата живее во меур, економијата е девастирана, стандардот на граѓаните руиниран

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Владата живее во меур, економијата е девастирана, стандардот на граѓаните руиниран

27 мај 2025

• од Вардарски

Претседателот на СДСМ, Венко Филипче, во интервју за емисијата 360 степени остро ја критикуваше актуелната Влада, оценувајќи дека таа одамна го изгубила легитимитетот и ја игнорира реалноста со која секојдневно се соочуваат граѓаните на Македонија.

„Сметам дека владата нема легитимитет одамна, веќе од пред неколку месеци кога стана јасно дека воопшто не се заинтересирани и лошо ги менаџираат сите проблеми“, изјави Филипче, посочувајќи дека економијата е „девастирана“, а стандардот на граѓаните „руиниран“.

Според него, цените во државата се надвор од контрола, а граѓаните сè потешко ги задоволуваат основните потреби. „Луѓето не може крај со крај да врзат. Луѓето не можат една кошничка да купат и да пополнат“, предупреди тој.

Филипче оцени дека актуелната власт функционира во целосна изолација од проблемите на обичниот човек. „Очигледно е дека се затворени во некој меур, гневот на граѓаните не го слушаат“, истакна лидерот на СДСМ, додавајќи дека, за разлика од нив, тој останува во постојана комуникација со граѓаните и нивните секојдневни предизвици.

Како алтернатива, тој ја нагласи политиката што ја нуди СДСМ – отвореност, транспарентност и реална, аргументирана критика. „Патот веќе тргнавме да го одиме – патот на искреност, сериозен пристап и решенија засновани на реалноста. Ние разговараме за реалните проблеми на граѓаните и им нудиме реални и изводливи конкретни решенија“, порача Филипче.