Филипче: ВМРО-ДПМНЕ ја доведе државата во најголема економска несигурност

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: ВМРО-ДПМНЕ ја доведе државата во најголема економска несигурност

27 август 2025

• од Гоце Кически

Претседателот на Социјалдемократскиот сојуз на Македонија, д-р Венко Филипче, денеска оцени дека во првата година од владеењето на ВМРО-ДПМНЕ државата е доведена во најголема економска несигурност досега, а граѓаните живеат сè потешко.

„Владата се обидува преку ПР трикови да прикаже слика дека во државата се живее добро, но реалноста е сосема поинаква. Граѓаните знаат како навистина живеат и секојдневно ја чувствуваат тежината на зголемените цени и стагнацијата на платите“, изјави Филипче.

Тој нагласи дека инфлацијата моментално изнесува 4,8%, а трошоците за живот секојдневно растат.

Раст на трошоците, стагнација на платите

Филипче посочи дека минималната синдикална кошничка за една година пораснала за околу 4.300 денари, додека минималната плата за истиот период е зголемена за само 1.800 денари.

„Во јуни 2024 година кошничката изнесуваше 60.325 денари, во август минатата година надмина 61.199 денари, а денес е 65.507 денари. Тоа значи дека основните трошоци за живот растат многу побрзо од платите, што претставува директен удар врз стандардот на граѓаните“, нагласи лидерот на СДСМ.

Пад на просечната плата

Во однос на просечната плата, Филипче ја оспори владината реторика за „раст од 11 до 13 проценти“.

„Реалната плата, која ја покажува вистинската куповна моќ на граѓаните, во јуни порасна само 3,8%. За споредба, пред една година со мерките на СДСМ растот беше 11%. За прв пат после долго време имаме пад на просечната плата во споредба со претходниот месец – тоа се случи во јуни“, истакна Филипче.

Според него, економската состојба покажува дека политиките на актуелната влада не даваат резултати, а граѓаните се најголемите губитници од таквото управување.