Филипче: ВМРО-ДПМНЕ ја предаде Македонија за мигрантски пари

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: ВМРО-ДПМНЕ ја предаде Македонија за мигрантски пари

12 декември 2025

• од Станча Јаќимовски

Претседателот на Социјалдемократскиот сојуз на Македонија, д-р Венко Филипче, денеска на прес-конференција упати остри обвинувања кон Владата предводена од ВМРО-ДПМНЕ, обвинувајќи ја дека ја „издала и предала Македонија“ преку договор за прифаќање мигранти во замена за финансиски средства.

Филипче истакна дека Владата со денови одбива да даде конкретни одговори во врска со договорот со Велика Британија, и покрај, како што рече, упорните барања од страна на СДСМ и јавноста. Според него, токму ова молчење е доказ дека постои договорен план за преземање мигранти во земјата.

„Повеќе денови наназад предупредуваме дека премиерот Мицкоски договорил преземање мигранти во Македонија. Секојдневно поставуваме конкретни прашања – дали е договорен план за нивно прифаќање, дали ќе им се даде постојан престој, работа, државјанство, каде ќе бидат сместени – но одговори нема“, изјави Филипче.

Тој оцени дека прифаќањето на мигрантите е директно поврзано со кредитниот аранжман со Велика Британија и дека станува збор за „пакет-договор“ кој, според него, е штетен за државните интереси.

„Очигледно е дека Владата се обврзала да прима мигранти како услов за кредит, со цел да продолжи со нетранспарентни тендери и договори во четири очи, преку кои се трошат народните пари за бизнис-партнерите на власта“, додаде Филипче.

Како дополнителен аргумент, тој се повика на објави во домашни и странски медиуми, меѓу кои и британскиот весник „Тајмс“, оценувајќи дека тие ги потврдуваат сомнежите на СДСМ.

Филипче ја обвини Владата и за, како што рече, обиди да ја дефокусира јавноста преку „измислени вести, лажни обвиненија и пријави“, со цел да се сокрие вистинскиот проблем.

„По сите избегнувања и контрадикторни изјави на премиерот Мицкоски, на јавноста ѝ е јасно што се подготвува. Одговорот е јасен – мигранти во јуни во Македонија“, заклучи претседателот на СДСМ.