Филипче: ВМРО-ДПМНЕ сака да ја врати државата во времето на страв и уцени

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: ВМРО-ДПМНЕ сака да ја врати државата во времето на страв и уцени

01 ноември 2025

• од Станча Јаќимовски

Лидерот на Социјалдемократскиот сојуз на Македонија (СДСМ), Венко Филипче, вечерва од граѓанскиот собир во општина Конче упати остри критики кон ВМРО-ДПМНЕ, обвинувајќи ја партијата дека преку различни институции врши притисок врз граѓаните и се обидува да го врати времето на страв и уцени.

„Со полиција, финансиска полиција, шумска полиција, преку социјалните служби, прават притисок врз граѓаните. Сакаат да потсетат на времето кога сите живеевме во страв и уцени. Но тоа време заврши. Луѓето сакаат нормален живот, без притисоци, без закани, без поткуп,“ изјави Филипче пред присутните.

Повик за масовна излезеност на изборите

Филипче ги повика жителите на Конче масовно да излезат на изборите в недела и да дадат поддршка за кандидатот на СДСМ за градоначалник, Благој Илиев. Тој истакна дека граѓаните најдобро можат да ја препознаат разликата во начинот на работа меѓу Илиев и актуелниот градоначалник од ВМРО-ДПМНЕ.

„Благој работеше во минатиот мандат. Знаете како се однесуваше додека беше градоначалник, знаете дека вратата му беше секогаш отворена, работеше за доброто на општината и за вас граѓаните,“ рече Филипче.

Разлика во начинот на управување

Тој нагласи дека по мандатот на Илиев, граѓаните можеле да видат очигледна разлика во управувањето со општината. „Сега, кога имаме временска дистанца од четири години, можете најдобро да воочите каква е разликата – како е кога градоначалник е некој како Благој и како е кога тоа е човек од ВМРО-ДПМНЕ, кој работи дијаметрално спротивно,“ изјави претседателот на СДСМ.

Според него, градоначалниците на СДСМ реализирале меѓу 90 и 100 проценти од ветувањата, додека оние на ВМРО-ДПМНЕ само околу 20 проценти.

Критика за економската политика

Филипче ја обвини Владата на ВМРО-ДПМНЕ дека не презема ништо за да ги ублажи последиците од растот на трошоците за живот. „Цените растат без контрола. За година и половина, Владата не ги зголеми платите и не им помогна на граѓаните во услови кога цените на храната растат од месец во месец,“ рече тој.

На крајот, лидерот на СДСМ порача дека граѓаните заслужуваат мирен, стабилен и достоинствен живот без притисоци, закани и поткуп, а дека тоа може да се обезбеди само со демократска власт која работи за нивниот интерес.