Филипче: Внесувањето на Бугарите не е дневна политика, туку стратешка одлука за иднината

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Внесувањето на Бугарите не е дневна политика, туку стратешка одлука за иднината

26 април 2025

• од Вардарски

Претседателот на СДСМ, Венко Филипче, во вечерашното гостување во „Тема на денот“ на телевизија Сител предупреди дека европскиот процес е целосно блокиран и оставен на страна, а владејачката коалиција покажува неподготвеност да се справи со клучните државни прашања.

„Не може една Влада да владее, а притоа да не ги решава крупните проблеми во државата. Тоа води кон стагнација и назадување“, рече Филипче, нагласувајќи дека крупните одлуки мора да се носат сега, за доброто на сегашните и идните генерации, без оглед на политичката цена.

Во интервјуто, Филипче јасно истакна дека барањата од страна на Бугарија не се нови и дека секоја Влада, без разлика дали е СДСМ или ВМРО-ДПМНЕ, ќе се соочеше со истите предизвици. Во тој контекст, тој подвлече дека е неопходно Бугарите да бидат внесени во Уставот на Република Северна Македонија, за да се одблокира процесот на пристапување во Европската Унија.

„Внесувањето на Бугарите во Уставот не е прашање на дневна политика, туку стратешка одлука за иднината на државата. Тоа е клучен чекор што ќе овозможи продолжување на евроинтегративниот пат и ќе ги отвори вратите за нови можности за македонските граѓани“, нагласи Филипче.

Тој апелираше на одговорност и храброст од сите политички чинители, потенцирајќи дека оваа генерација политичари има должност да обезбеди европска иднина за Македонија, наместо да ги остава нерешените прашања на идните генерации.