Фирма на осомничен криминалец добила 136 тендери – Пецов го „бркаат“, тендерите си течат!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Фирма на осомничен криминалец добила 136 тендери – Пецов го „бркаат“, тендерите си течат!

06 август 2025

• од Станча Јаќимовски

Иако е во бегство речиси две години и по него е распишана меѓународна потерница, неготинскиот бизнисмен Љупчо Пецов, познат како Ѓаволот, и понатаму профитира од државни пари. Неговата фирма „Тритерол петрол“ активно учествува и победува на јавни набавки, добивајќи договори вредни милиони евра од државни институции, јавни претпријатија, училишта и општини.

Според податоците од Електронскиот систем за јавни набавки, од 3 ноември 2023 година — кога Министерството за внатрешни работи распиша меѓународна потерница по Пецов — па сè до денес, фирмата на осомничениот бизнисмен добила дури 136 тендери, со вкупна вредност над 300 милиони денари, односно околу 5 милиони евра.

Она што дополнително ја згрозува јавноста е фактот дека Пецов слободно се движи низ Скопје, и покрај потерницата. Телма објави дека, иако официјално се води како бегалец, нема никакви пречки за неговата компанија да учествува на тендери, па дури и редовно да ги добива.

Пецов е осомничен дека е еден од организаторите на злосторничкото здружение во случајот „Синџир“, каде 22 сопственици и директори на фирми со фалсификувани фактури го оштетиле државниот буџет за околу 8 милиони евра. Поради неговата недостапност, обвинителството сè уште нема поднесено обвинение против него. Десетина обвинети во истиот случај веќе признаа вина и добија затворски или условни казни.

Овој скандал отвора низа прашања за функционалноста на институциите, интегритетот на јавните набавки и одговорноста на државните органи кои склучуваат договори со фирми чии сопственици се осомничени за тешки финансиски криминали.

Додека полицијата тврди дека го „бара“, а правосудството чека да му суди, Ѓаволот – барем во делот на бизнисот – очигледно и понатаму „врве“.