Фирмите вмешани во аферата Логара и обиколницата на Тирана имале проекти и во Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Фирмите вмешани во аферата Логара и обиколницата на Тирана имале проекти и во Македонија

21 ноември 2025

• од Станча Јаќимовски

Корупцискиот скандал што ја потресе Албанија, а кој резултираше со суспензија на вицепремиерката и министерка за инфраструктура Белинда Балуку, добива и регионални димензии. Според информациите објавени од Специјалната антикорупциска структура – СПАК во Тирана, во повеќе спорни тендери се појавуваат и компании кои претходно биле активни и во Македонија.

СПАК ја суспендира Балуку поради сомнежи за местење тендери

СПАК соопшти дека Балуку е осомничена за местење тендерски постапки и злоупотреба на службена положба. Истражителите тврдат дека таа, заедно со членови на тендерските комисии, однапред ги договарала победниците во две крупни инфраструктурни процедури – изградбата на тунелот Логара и надворешната обиколница број 4 околу Тирана.

Во двата случаи, според обвинителството, биле фаворизирани конкретни компании и биле создадени неправични предности во процесот, со што се нарушила конкурентноста и се овозможило незаконско профитирање.

Балуку доби забрана за напуштање на земјата, а случајот се смета за еден од најзначајните удари на СПАК врз висок функционер во Албанија.

Фирмите вмешани во аферата активни и во Македонија

Во документите за јавните набавки што ги анализира СПАК се појавуваат и албанските фирми „ПЕ-ВЛА-КУ“ и „Ѓока Констракшн“. Двете компании во изминатите години биле поврзувани со спорни бизнис-проекти и во Македонија:

„ПЕ-ВЛА-КУ“ беше партнер на компанијата „Тхор Индустрис“ на Дрин Ахмети во периодот на преземањето на трговскиот центар „Соравија“ во Скопје. Во Албанија, оваа фирма работела на изградбата на обиколницата околу Тирана.
„Ѓока Констракшн“ беше единствениот понудувач на тендерот за јавно-приватно партнерство за изградба и управување со паркингот на Клиничкиот центар во Скопје. Во Албанија, како подизведувач, фактички го градела тунелот Логара, иако првичната тендерска постапка за проектот била поништувана.

Овие поврзаности отвораат дополнителни прашања за регионалното влијание на овие компании и за потенцијални ризици од нивното делување и во други земји од регионот, вклучувајќи ја и Македонија.

Политичка реакција и натамошни чекори

Албанскиот премиер Еди Рама засега не одговори дали ќе ја разреши Балуку од функцијата. Наместо тоа, тој го критикуваше СПАК дека навлегува во ингеренциите на извршната власт, што предизвика нови дебати за односот меѓу институциите и борбата против корупцијата.

Истрагата продолжува, а се очекува проширување на мерките, како и можни нови откритија кои може дополнително да ја вклучат и Македонија во регионалниот корупциски мозаик.