Фондацијата на бугарскиот пратеник Пејков донира речиси 40.000 евра за настраданите во Кочани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Фондацијата на бугарскиот пратеник Пејков донира речиси 40.000 евра за настраданите во Кочани

14 јуни 2025

• од Станча Јаќимовски

Бугарскиот пратеник и хуманитарец Манол Пејков објави детален извештај на социјалната мрежа Facebook за активностите и распределените донации во корист на жртвите од трагедијата во дискотеката во Кочани, што се случи на 16 март 2025 година.

Средствата беа собрани преку неговата фондација „Манол Пејков и пријатели“, по јавниот апел објавен само неколку дена по несреќата. Благодарение на брзата реакција и хуманоста на 624 донатори, беа собрани вкупно 77.357 лева и 40 стотинки, што е околу 39.952 евра.

Помош за најпогодените семејства

По теренска посета во Кочани заедно со својот соработник Чило Попов и во координација со локалната иницијатива „Support Kocani“, беа идентификувани 18 семејства во исклучително тешка состојба. Секоe од нив доби по 1.500 евра директна финансиска помош, со вкупна распределена сума од 27.000 евра.

Дополнителна помош за тешко повреден млад човек

Во мај 2025 година, фондацијата доби известување за млад човек сериозно повреден во трагедијата, кој по двомесечно лекување во Бугарија и Скопје се враќа дома. За адаптација на неговиот дом со потребни медицински и други помагала, беа донирани 2.000 евра директно на неговата лична сметка.

Медицинска донација: гел за изгореници

На 11 јуни 2025, фондацијата обезбеди нова донација – 150 пакувања специјален гел за лекување изгореници (Кело-кот), кој не е достапен на македонскиот пазар. Производот беше набавен во Бугарија по намалена цена од 46,90 лева по пакување, со вкупна вредност од 7.035 лева.

Донацијата беше предадена лично од страна на Манол Пејков и Чило Попов во Амбасадата на Северна Македонија во Софија. Амбасадорката Агнеза Руси Поповска се заблагодари за поддршката и истакна дека препаратот ќе биде дистрибуиран до најпогодените во рок од една недела.

„Во ваше лице имаме пријатели за цел живот“, изјави амбасадорката Поповска.

Финансиски биланс (до 14 јуни 2025)

Вкупно собрани: 77.357 лева (~39.952 евра)
Распределено:
- 27.000 евра за 18 семејства
- 2.000 евра за повредено лице
- 7.035 лева за медицински препарати
Преостанати средства: 14.385,66 лева (~7.355 евра)