Фуркан Салиу: Во главите враќаме Пирин и Егеј, а во реалноста тонеме во криза

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Фуркан Салиу: Во главите враќаме Пирин и Егеј, а во реалноста тонеме во криза

27 декември 2025

• од Вардарски

Новинарот Фуркан Салиу преку Фејсбук-статус остро ја критикува политиката на власта, предупредувајќи дека илузијата за сила и конфронтацијата со сите може да ја чини државата многу скапо.

„Секој народ си ги бира своите лидери, па така повторно се враќаме таму каде што припаѓаме – скарани со сите, најслаби од сите, ама во нашите глави најсилни, најбогати и подготвени да го враќаме Пирин и Егеј“, пишува Салиу.

Тој како пример ја наведува одлуката за прогласување кризна состојба, при што, според него, веќе во првите 24 часа држава членка на Европската Унија и наш сосед понудила помош со мазут.

„Нашиот одговор е: ‘Не, фала, доколку вие имате потреба, ние ќе ви дадеме’. Па тогаш, зошто е прогласена кризна состојба ако имаме мазут и за Бугарија?“, прашува Салиу.

Во продолжение, тој отвора дилема дали вистинската цел на кризата е набавка по кратка постапка и со директно преговарање, како и дали тоа создава простор за дополнителни лични профити за оние што ја договараат цената.

„Ваквата тврдоглавост нè донесе во ситуација да мораме да прифатиме сè што ќе ни стават на маса. Донесе протести, насилство и огромен притисок однадвор. И ова ќе продолжи“, предупредува новинарот.

Според него, моделот за задржување на власта е јасен: создавање впечаток дека „никој ништо не ни може“, покажување сила врз помалите етнички заедници, креирање вештачки непријатели и одржување на народот во постојана неизвесност.

Салиу потсетува дека слична тврдоглавост скапо ги чинела и многу поразвиени држави. Како пример ја наведува Грција, која поради финансиската криза продаде 14 регионални аеродроми, пристаништето во Пиреј, државно земјиште, туристички зони и автопати. Истото, според него, се случило и во Шпанија, Португалија и Италија.

„Добро е да се вратиме во реалноста што е можно побрзо. Денес, ако може – затоа што утре може да биде предоцна“, завршува Салиу во својот Фејсбук-статус.