Галетановски нуди награда од 2–3 илјади евра за информации за палењето на неговото возило

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Галетановски нуди награда од 2–3 илјади евра за информации за палењето на неговото возило

11 септември 2025

• од Станча Јаќимовски

Поранешниот директор на Зоолошката градина во Скопје и актуелен претседател на Градската организација на СДСМ, Ѓорги Галетановски, јавно се огласи по неодамнешниот инцидент во кој беше запалено неговото возило, изразувајќи благодарност до пријателите и колегите за поддршката и најавувајќи конкретни чекори за расветлување на случајот.

„За жал, некогаш треба да ни се деси лоша работа за да видиме кој е до нас. Фала ви другари за поддршката и за сите пораки и повици… Не ви го заборавам ова и на сите ви должам. Ме знаете добро, никогаш не се сменив и нема да се сменам. Помагав и ќе помагам на кој можам без да се фалам, така и ќе продолжам“, напиша Галетановски на својот профил.

Тој најави дека од денес ќе преземе активности за да им помогне на надлежните во спречување и санкционирање на кривични дела, кои, како што вели, го нарушуваат мирот на граѓаните. „Од денес натаму ќе направам сè да дознаам и да им помогнам на органите да спречат криминални дејствија да го земаат мирот на граѓаните. А ќе се дознае тоа, сум сигурен“, додаде тој.

Во таа насока, Галетановски упати повик до сите граѓани кои располагаат со веродостојни информации за извршителот или можниот нарачател на палењето да го контактираат. Како поттик, најави симболична парична награда во износ од 2.000 до 3.000 евра за релевантни информации што ќе помогнат во откривање на случајот.

Галетановски порача дека ќе остане доследен на својата досегашна пракса да помага „без фалење“, истакнувајќи дека солидарноста и поддршката што ја добил дополнително го охрабруваат да истрае во барањето на вистината и во поддршката на институциите. Случајот останува отворен, а јавноста е охрабрена да достави информации до него или до надлежните органи.