Ганиу негира поврзаност со нападот врз Арсовска: „Ниеден вработен во Чаир не е инволвиран“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ганиу негира поврзаност со нападот врз Арсовска: „Ниеден вработен во Чаир не е инволвиран“

12 јули 2025

• од Станча Јаќимовски

Градоначалникот на Општина Чаир, Висар Ганиу, остро го осуди физичкиот напад врз градоначалничката на Град Скопје, Данела Арсовска, кој се случи на територија на Чаир. Тој во својата јавна изјава категорично негираше каква било поврзаност на Општина Чаир или нејзини службеници со инцидентот.

„Општина Чаир најостро го осудува инцидентот што се случи помеѓу градоначалничката на Град Скопје, г-ѓа Данела Арсовска, и неколку лица на територија на Општина Чаир. Ваквите дејствија се неприфатливи и претставуваат сериозно нарушување на нормите на однесување во едно демократско и цивилизирано општество“, истакна Ганиу преку објава на Фејсбук.

Тој додаде дека, со цел јавноста да биде прецизно информирана, смета за важно да се потенцира дека „настанот воопшто не е поврзан со нашата институција“. Според него, ниту еден вработен или функционер на Општина Чаир не бил инволвиран, ниту присутен на местото на инцидентот.

Ганиу увери дека локалната самоуправа останува цврсто посветена на зачувувањето на јавниот ред, почитувањето на институциите и негувањето на соживотот меѓу различните заедници.

Инцидентот предизвика и реакции од политичките партии. Опозициските СДСМ и ДУИ јавно го осудија нападот, додека министерот за внатрешни работи Панче Тошковски изјави дека имало физички контакт, но не навлезе во детали за истрагата која е во тек.

Очекувањата се институциите надлежни за истрага брзо да ги расветлат околностите и одговорните да бидат изведени пред правдата.