Герасим Лазов од СДСМ: Кој ќе ја заштитеше Македонија во време на глобални конфликти ако не бевме во НАТО?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Герасим Лазов од СДСМ: Кој ќе ја заштитеше Македонија во време на глобални конфликти ако не бевме во НАТО?

25 мај 2026

• од Гоце Кически

Во најновото издание на подкастот „Почетна пресметка“, функционерот на СДСМ, Герасим Лазов, отвори серија прашања за македонската надворешна политика, стратешките партнерства и иднината на државата во услови на глобална нестабилност.

Во разговор кој опфати низа актуелни теми, Лазов се осврна на прашањето за националниот идентитет и меѓународната позиција на Македонија, поставувајќи ја дилемата: Дали Македонија треба да се доживува како „бивша југословенска република“ или како суверена држава која цврсто чекори кон европските интеграции?

„НАТО е единствениот гарант за безбедност“

Според Лазов, членството во НАТО е клучниот фактор кој ја заштити Македонија во периодот кога светот се соочува со сериозни кризи, од конфликтот во Украина до случувањата на Блискиот исток.

„Ако не бевме влезени сега во НАТО, покрај овие случувања, ние ќе бевме „слепо црево“ на Балканот. Кој ќе нè заштитеше нас?“, запраша Лазов, додавајќи дека според неговото видување, Алијансата нема да се раздели, туку ќе остане столбот на регионалната стабилност.

Критика кон пристапот кон САД

Иако Лазов ја потенцираше важноста на Америка како стратешки партнер, тој упати забелешка за начинот на кој се следат политичките трендови кои доаѓаат од Вашингтон.

„Америка ни е стратешки партнер и тоа е одлично. Но, не треба слепо да ги следиме чекорите на Трамп, кој видовме дека го запали целиот свет. Според мене, ние треба да бидеме на страната на Европа“, дециден е Лазов.

Дилеми за стратешките насоки на државата

Во текот на разговорот, Лазов го постави и прашањето за стратешките одлуки на ВМРО-ДПМНЕ во минатото, повикувајќи на отворање на дебата за тоа каде се направени грешките во досегашното водење на државните политики. Тој истакна дека Македонија мора јасно да се позиционира и да не талка во надворешната политика, особено во однос на европските интеграции.

Целото гостување на Герасим Лазов во подкастот „Почетна пресметка“ може да го проследите во видеото во продолжение: