Гервала: Изјавите на поглаварот на СПЦ во Москва го нарушуваат суверенитетот на Косово

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Гервала: Изјавите на поглаварот на СПЦ во Москва го нарушуваат суверенитетот на Косово

24 април 2025

• од Вардарски

Доника Гервала, пратеничка од коалицијата Самоопределување, остро реагираше на изјавите на патријархот на Српската православна црква, Порфириј, дадени за време на неговата посета на Москва. Таа смета дека тие изјави директно го нарушуваат суверенитетот на Косово и го поттикнуваат раздорот во регионот, при што апелираше до Европската Унија да даде јасен одговор како посредник во дијалогот меѓу Косово и Србија.

„Само неколку дена по посетата на Косово, поглаварот на СПЦ се појави во Москва заедно со рускиот претседател Владимир Путин, давајќи изјави кои не само што го негираат суверенитетот на Косово, туку и дополнително ја дестабилизираат ситуацијата на Балканот“, напиша Гервала на Фејсбук.

Таа потсети дека Српската православна црква, според неа, веќе има историска улога во поддршка на националистички идеологии кои биле двигател на воените конфликти во Хрватска, Босна и Херцеговина и Косово во 90-тите години.

„Тоа наследство продолжува и денес, преку изјави кои ги навредуваат соседите, ја негираат реалноста и имаат за цел дестабилизација на Балканот. Изјавите на Порфириј не се без тежина — тие го рефлектираат минатото, не иднината. А иднината на регионот се гради на почитување, соработка и мир, не на носталгија по доминација и конфликти“, додаде Гервала.

Таа истакна дека Косово останува посветено на дијалогот и на изградба на мостови меѓу народите, религиите и културите. „Искрено се надеваме дека еден ден и на чело на Српската православна црква ќе имаме партнер кој ќе биде посветен на иднината, а не на минатото.“

Во завршниот дел од нејзината објава, Гервала побара конкретна реакција од ЕУ, нагласувајќи дека молчењето кон изјави кои промовираат омраза и ја поткопуваат стабилноста, не претставува неутралност.

„Молкот пред изјави кои поттикнуваат омраза не е неутралност, туку прифаќање на говорот на омраза. Косово ќе продолжи да ги брани европските вредности и мирот во регионот со одговорност и визија за иднината“, заклучи Гервала.