Големо загадување во Крива Река: Олово, кадиум и цијанид ја прават водата токсична!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Големо загадување во Крива Река: Олово, кадиум и цијанид ја прават водата токсична!

03 април 2025

• од Гоце Кически

Градоначалникот на Крива Паланка, Сашко Митовски, на денешната прес-конференција изнесе загрижувачки информации за состојбата на водата во реката Крива Река. Според новите анализи, водата е сериозно загадена и неупотреблива за ниту една намена. Митовски истакна дека реката има високи нивоа на опасни хемикалии, што ја прави опасна за животот на рибите и не се препорачува за било каква употреба.

Анализите спроведени од Институтот за јавно здравје покажале дека концентрациите на олово и други токсични супстанции значително ги надминуваат дозволените нивоа. За оловото, нивото е повеќе од три пати поголемо од дозволеното, а тоа претставува голема опасност за животната средина и водените екосистеми. Според Митовски, водата е класифицирана во најлошата категорија и не смее да се користи за наводнување, риболов или други активности.

„Водата во Крива Река е загадена до таква мера што не смее да се употребува ни за наводнување. Мора да се преземат итни мерки“, изјави Митовски. Тој нагласи дека анализите покажале и присуство на други опасни метали како што се цинк и кадиум, што дополнително го потврдуваат сериозноста на ситуацијата.

Градоначалникот побара од институциите, вклучително и обвинителството, да реагираат брзо и да започнат со постапки за утврдување на виновниците за ова загадување. Според него, загадувањето е резултат на хаваријата во рудникот Тораница, каде што се користат опасни хемикалии како цијанид и олово.

„Институтите и инспекторатите не направија итни проверки на водите веднаш по хаваријата, што остава многу прашања и создава сомнежи за одговорноста“, изјави Митовски, додавајќи дека ова треба да биде приоритет за сите надлежни органи.

Сите анализи до сега, како и новите резултати од независните лаборатории, потврдуваат дека водата во Крива Река е сериозно загадена. Митовски апелираше на брзо дејствување од страна на институциите, за да се заштити здравјето на луѓето и животната средина.