Граѓаните со празни раце: За првпат повеќето не ги добија парите од „Мој ДДВ“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Граѓаните со празни раце: За првпат повеќето не ги добија парите од „Мој ДДВ“

28 ноември 2025

• од Станча Јаќимовски

Заврши рокот за кварталната исплата на средствата од апликацијата Мој ДДВ, но голем дел од граѓаните останаа без очекуваниот поврат. За првпат од воведувањето на мерката, мнозинството корисници не ги добија средствата, што предизвика револт и чувство на несигурност кај семејствата, пензионерите и младите.

Апликацијата МојДДВ е една од ретките државни мерки што директно враќа пари кај граѓаните преку скенирање фискални сметки. Повратот се однесува на последниот пресметковен период (јули, август и септември 2025 година), а исплатата претходно најдоцна се вршеше до 10-ти во месецот.

По преземањето на власта од партијата ВМРО-ДПМНЕ, рокот се продолжи до крајот на месецот, но и тој лимит беше надминат. Сè уште нема официјална потврда кога и дали средствата ќе бидат исплатени од 1 декември 2025 година.

Од Управата за јавни приходи информираа дека до вчера се исплатени 552 милиони денари, а дополнителни 370 милиони денари се, наводно, веќе подготвени за исплата. Директорката Елена Петрова изјави дека можно е кај дел од граѓаните да има технички застои, особено поради невалидни трансакциски сметки.

Но, корисниците што не ги добиле парите тврдат дека тоа не е точен аргумент. Дел од нив потенцираат дека досега редовно добивале поврат, немале никаков проблем со сметките и дека редовно ја ажурираат апликацијата на своите мобилни телефони.

Незадоволството расте

Реакциите од граѓаните се гласни и разочарани.

„Срамота! Иако не станува збор за голема сума, тие 2.100 денари ги тргам и штедам за моите деца. Со мизерните плати не можеме ништо да заштедиме, а сега и тие не ги дадоа. Не знам кај тераат,“ вели Александра, мајка на две деца.

Драган, пензионер, смета дека државата свесно го уназадува квалитетот на животот:
„Се плашам дека ќе ја укинат и оваа единствена поволност. 1.500 до 2.000 денари добро ни доаѓаа. Барем да платам сметка.“

Својата разочараност ја сподели и Петар, студент од Скопје:
„Не дека се многу, ама зошто да не им ги дадат на луѓето? Толку се испокраде во државата, и ова остана да ни го „украдат“.“

Колкав е вистинскиот бенефит?

Граѓаните во еден квартал може да добијат поврат на ДДВ до 2.100 денари. Доколку четиричлено семејство редовно скенира сметки, може да направи поврат и до 8.400 денари по квартален период.

За македонски производи, повратот изнесува 20 проценти од пресметаниот ДДВ, а за увезени производи 10 проценти.

Рокови и претходни исплати

Според законските регулативи, исплатата на повратот преку апликацијата МојДДВ се врши во рок од 60 дена по крајот на кварталот.

Во однос на претходниот квартал, од УЈП потврдија дека вториот квартал од 2025 година (април–јуни 2025) е успешно исплатен. Тогаш, на 502.983 корисници им беа префрлени вкупно 881.020.500 денари, односно 14.324.725 евра.

Дали следи укинување на мерката?

Во официјален допис до УЈП пред 20-тина дена со прашање дали се планира укинување на Мој ДДВ, одговор не беше добиен – ниту потврда, ниту демант.

Неизвесноста останува, а граѓаните стравуваат дека непочитувањето на роковите може да стане правило, а не преседан. Довербата во институциите дополнително се нарушува, додека илјадници корисници чекаат одговори и своите заштедени средства.