Град Скопје: Незаконски ископ на Вардар во Аеродром – повик до институциите за итна реакција

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Град Скопје: Незаконски ископ на Вардар во Аеродром – повик до институциите за итна реакција

23 мај 2025

• од Вардарски

Град Скопје алармираше за сериозен еколошки инцидент во општина Аеродром, каде фирмата „Прогрес Компани“ од Долно Коњари е затекната при вршење на нелегален ископ во коритото на реката Вардар. Според информациите од терен, станува збор за активност извршена без никакви лиценци, елаборати, дозволи или одобренија – ниту за самата работа, ниту за користената механизација.

Градските власти ова го оценуваат како директен напад врз животната средина, кој покрај еколошката штета, носи и потенцијални ризици по здравјето на граѓаните.

Во своето јавно соопштение, градските претставници упатија директен апел до Министерството за животна средина, Министерството за внатрешни работи, како и до сите надлежни институции, со барање за итна реакција и санкционирање на одговорните.

Дополнително, беа изнесени сериозни обвинувања против едно од лицата поврзани со фирмата – Ќамил Османовиќ, кој наводно, во присуство на сведоци, упатил закани по животот на претставник од Градот и неговото семејство. За овој случај, најавено е и формално поднесување на кривична пријава.

„Никој не им се плаши, но време е институциите да покажат дека законот важи за сите. Неказнивоста создава чувство на недопирливост“, стои во реакцијата на Градот.

Инцидентот се споредува со неконтролираните пустошења на природата во прашумите на Амазон, а ваквата споредба се користи за да се укаже на обемот и тежината на штетата која се предизвикува врз еден од најважните водни ресурси во Скопје – реката Вардар.

Градските власти бараат итна интервенција од сите надлежни институции. Случајот останува отворен и се очекува реакција во најкус можен рок.