Градоначалникот од Чучер Сандево остро кон Ангелов: Не ја кажува вистината за состојбата на теренот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Градоначалникот од Чучер Сандево остро кон Ангелов: Не ја кажува вистината за состојбата на теренот

08 јули 2025

• од Станча Јаќимовски

Во општината Чучер Сандево веќе неколку дена беснеат пожари, а последните информации говорат за сериозна штета и разлики во изјавите на локалните и државните власти. Според градоначалникот Сашко Комненовиќ, досега се опожарени седум викенд-куќи, а едно лице е хоспитализирано на Клиниката за токсикологија во Скопје.

– Имаме опожарени седум викенд куќи, а едно лице пред еден час е примено на „Токсикологија“ во државна болница, изјави Комненовиќ за Слободен печат.

Оваа изјава доаѓа во спротивност со тврдењата на директорот на Дирекцијата за заштита и спасување, Стојанче Ангелов, кој изјави дека нема изгорени објекти и дека не постоела реална опасност за манастирот Свети Никита.

– Директорот не знае што зборува. Јас сум тука трет ден, дома не сум појден. Манастирот Свети Никита моментално не е во опасност, но вчера ситуацијата беше критична – пожарот беше многу блиску до самиот манастир, рече Комненовиќ.

Тој посочи дека во селото Кучевиште пожарот бил локализиран пред два часа, но се сомнева дека бил подметнат. Истовремено, изрази несигурност околу улогата на воените возила во гаснењето на пожарот, велејќи дека само ги видел на терен, но не знае како функционираат.

Пожарникарите и голем број доброволци се постојано на терен, но условите се крајно отежнати.

– Сè што е здраво, живо и подвижно гаси. Пожарот сè уште е активен, го држиме под контрола, но со порастот на температурите постои ризик од повторно разгорување, предупреди градоначалникот.

Граѓаните, особено оние што живеат во близина на погодените подрачја, се мобилизираат во гаснењето и одбраната на своите имоти. Манастирот Свети Никита засега е обезбеден, но опасноста не е целосно мината.

Останува да се види дали ќе се преземат координирани и ефикасни чекори од институциите за целосно справување со пожарите и расчистување на разликите во комуникацијата меѓу локалните и државните власти.