Градот на вардарот претворен во сметлиште

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Градот на вардарот претворен во сметлиште – до кога вака?

24 септември 2025

• од Станча Јаќимовски

Улиците на македонската метропола се претворија во мини депонии. Контејнерите се преполни, отпадот се разлева по тротоарите, смрдеата е неподнослива, а пешаците едвај се пробиваат низ купиштата ѓубре. Од Ѓорче до Центар, преку Карпош и Влае, глетката е идентична – градот е задушен од сопствениот отпад.

Реакции на граѓаните

Жителите на Скопје алармираат дека состојбата трае со денови. Според нив, град што треба да биде модерна метропола е претворен во отворена депонија. На социјалните мрежи се појавуваат коментари како: „Скопје навистина не заслужува вакво понижување. Но, очигледно, ѓубрето си има свои заштитници“.

Голем дел од граѓаните сведочат дека пешачките патеки се блокирани, а некои булевари изгледаат како ѓубришта. Миризбата што се шири е уште еден доказ за колапсот на системот за одржување на јавната хигиена.

Институциите и „Комунална хигиена“

Прашањето кое најчесто се поставува е: што собираат камионите на ЈП „Комунална хигиена“? Додека дел од контејнерите се преплавени од отпад, други остануваат празни, оставајќи впечаток на недоследност и нефункционалност.

Институциите пак, меѓусебно ја префрлаат одговорноста. Едни велат „не е наша надлежност“, други ветуваат дека проблемот ќе се реши, но решението не доаѓа. Во меѓувреме, секојдневието на скопјани е исполнето со слики и мириси на хаос.

Град во заложништво

Ситуацијата ја симболизира натписот „Град заложник на ѓубре! И ѓубриња“. Тоа не е само коментар, туку сурова реалност која го погодува Скопје. Градот, кој треба да биде лице на државата, станува заложник на сопствениот отпад, на институционалната немоќ и на нефункционалниот систем за управување со јавната хигиена.