Хотел со четири ѕвезди крадел струја – откриена голема кражба во центарот на Скопје

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Хотел со четири ѕвезди крадел струја – откриена голема кражба во центарот на Скопје

01 ноември 2025

• од Станча Јаќимовски

Екипите на „Електродистрибуција“ откриле сериозен случај на нелегално приклучување на електричната мрежа во еден хотел со четири ѕвезди лоциран на улицата „Луј Пастер“ во центарот на Скопје. Од компанијата соопштија дека станува збор за голема кражба на електрична енергија што претставувала и сериозна опасност по безбедноста на околината.

Според информациите, при техничка контрола во станбена зграда која граничи со хотелот, биле пронајдени три нелегални и изгорени кабли, резултат на преголема оптовареност. Екипите веднаш ги исклучиле каблите, бидејќи постоел висок ризик од настанување пожар.

За време на дополнителната контрола било утврдено дека хотелот повторно се приклучил на еден од нелегалните кабли. При обидот на екипите да влезат во објектот и да извршат инспекција, тие биле попречени во вршењето на службената должност.

Случајот е целосно документиран и за истиот е поднесена пријава до Министерството за внатрешни работи за нелегално приклучување на електричната мрежа и предизвикување на општа опасност од пожар, информираа од „Електродистрибуција“.

Компанијата апелира до сите граѓани и правни лица да не вршат нелегални приклучувања, бидејќи покрај тоа што е кривично дело, ваквото постапување може да предизвика сериозни материјални штети и опасности по животот и имотот на граѓаните.