ИЈЗ со повик за почитување на мерките за заштита од високите температури

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ИЈЗ со повик за почитување на мерките за заштита од високите температури

23 јуни 2025

• од Станча Јаќимовски

Институтот за јавно здравје (ИЈЗ) денес попладне издаде соопштение во кое апелира до јавноста строго да се почитуваат препораките за заштита на здравјето поради најавените високи температури кои ќе траат до 27 јуни, според Управата за хидрометеоролошки работи.

Во соопштението се нагласува важноста од заштита на целата популација, со особен акцент на ранливите групи – лица кои работат на отворено или во простории со висока температура, како градежни работници, земјоделци, сообраќајна полиција и доставувачи. Тие се особено подложни на топлотен стрес и заболувања поврзани со топлина.

Препораки за работодавачи:
ИЈЗ препорачува на работодавачите да преземат сериозни мерки за заштита на своите вработени:

Обезбедување технички услови: вентилација, климатизација, мерење температура, сенка на работните места.
Креирање „засолништа“ – климатизирани простории каде работниците можат периодично да се разладуваат.
Приспособување на работното време: флексибилност, работа во смени, избегнување работа на отворено од 11 до 17 часот.
Почести паузи, доволно течности и електролити.
Намалување на работниот интензитет и избегнување прекувремена работа.
Прераспределување на чувствителните работници (постари, хронично болни, бремени жени) на посоодветни работни места.
Надзор при работа со хемикалии и поттикнување на самопријава на симптоми поврзани со топлина.

Препораки за вработените:
За самите работници се препорачува:

Внесување минимум две литри вода дневно и избегнување на алкохол и кофеин.
Балансирана исхрана, редовен одмор и доволно спиење.
Носење лесна, светла и памучна облека, заштитни очила, капи и крем со УВ заштита (30+).
Бидност за симптоми на топлотен удар: вртоглавица, замор, повраќање, вознемиреност.
Да не се дозволи заминување на работник со симптоми од работа додека не се стабилизира или добие медицинска помош.

Прва помош при топлотен удар:
При појава на симптоми:

Веднаш повикајте 194 или 112.
Преместете ја личноста во разладена просторија и поставете ја во лежечка положба со подигнати нозе.
Ладете со облози, вода, без да давате лекови додека не пристигне медицинска помош.
Ако лицето е во бессознание – поставете го во странична положба.

ИЈЗ потсетува дека за ранливите категории на вработени треба да се прават вонредни прегледи кај специјалист по медицина на труд, со цел проценка на работоспособност и потреба од дополнителни мерки или боледување.

На крај, од Институтот апелираат до целото население да се придржува до општите препораки за заштита од топлотни бранови, со цел зачувување на здравјето во текот на жешките денови.

Фото: Институт за јавно здравје