Ибрахими од ВЛЕН: Албанија усвои закон што оди против интересите на Албанците

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ибрахими од ВЛЕН: Албанија усвои закон што оди против интересите на Албанците

09 ноември 2025

• од Станча Јаќимовски

Лидерот на партијата Алтернатива и еден од челниците на коалицијата ВЛЕН, Зеќирија Ибрахими, остро реагираше по усвојувањето на Законот за родова еднаквост во Парламентот на Албанија на 7 ноември, оценувајќи го како „одлука што оди против општиот албански интерес“.

Во својата реакција објавена на социјалните мрежи, Ибрахими изрази загриженост дека новиот закон, „во име на еднаквоста и наводните директиви на Европската унија“, воведува концепт според кој „родот не е биолошка категорија, туку општествена улога“.
„Со тоа, секој може да се изјасни како припадник на родот што го посакува, а државата ќе биде обврзана да му го признае тој социјален идентитет“, напиша Ибрахими, додавајќи дека „родот веќе нема да биде нешто со кое се раѓаме, туку улога што секој слободно ја избира“.

Критика кон „либералните идеологии“

Ибрахими го опиша донесувањето на законот како „израз на политички сервилитет и имитација на западните либерални идеологии“.
„Како што некои некогаш беа поболшевички од Ленин, посталинистички од Сталин и поатеистички од Маркс, така денешните албански пратеници станаа полиберални од самиот Александар Сорос“, изјави тој.

Загриженост за семејството и демографијата

Лидерот на Алтернатива предупреди дека ваквите политики може да имаат сериозни последици врз традиционалната семејна структура и демографијата на Албанија.
Тој потсети дека земјата бележи драматичен пад на населението – од 3,28 милиони жители во 1990 година на околу 2,36 милиони денес.

„Наместо да се усвојуваат мерки што ќе го поттикнуваат наталитетот, се донесуваат закони што, според мене, го уриваат албанското семејство“, напиша Ибрахими, додавајќи дека „во време кога САД и Македонија ја поддржуваат семејната политика, Албанија усвојува мерки што ѝ служат на агендата на оние кои сакаат Албанија без Албанци“.