Инспекторатот бара итно дислоцирање на фекалниот колектор од крајбрежјето на Езерото Младост

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Инспекторатот бара итно дислоцирање на фекалниот колектор од крајбрежјето на Езерото Младост

06 септември 2025

• од Станча Јаќимовски

Државниот инспекторат за животна средина (ДИЖС) побара итно дислоцирање на делница од регионалниот колектор за отпадни води од крајбрежниот појас на Езерото Младост. Причината е сериозниот ризик од загадување и неможноста за контрола и одржување на системот.

Наоди од инспекцијата

При контролата над работата на ЈКП „Дервен“, кое е задолжено за колекторот, инспекторите утврдиле дека клучни делови од системот се практично недостапни и претставуваат опасност. Најмалку три ревизиони шахти се затрупани со големи количества набиена земја, што оневозможува следење на протокот на отпадните води.

Дополнителен проблем претставува и обидот за санација на друга оштетена шахта кај хотел „Романтик“, чиј дел е пропаднат. Инспекторатот предупредува дека ваквите градежни зафати на самото крајбрежје можат да предизвикаат дополнително загадување на езерската вода, во која веќе е регистрирано зголемено присуство на органска маса.

Препорака за трајно решение

Поради техничките пречки и еколошките ризици, ДИЖС смета дека единствено издржано решение е трајно преместување на цевководот на нова локација, подалеку од езерото.

Непрофункционална пречистителна станица

Контролата откри и пошироки системски недостатоци. Пречистителната станица во селото Новачани, која требало да ги обработува сите отпадни води од Кумарино, Сујаклари, Отовица и населбата кај езерото, никогаш не била пуштена во употреба од нејзината изградба во 2004 година. Веќе две децении целата фекална канализација директно се излева во реката Вардар.

Неконтролиран втор крак на колекторот

Дополнителен проблем е и вториот крак на колекторот, кој ги опслужува новоизградените мотели. Во моментов со него никој не управува, што претставува дополнителен ризик за околината. Локалната власт најави дека наскоро ќе предложи одлука со која и овој дел ќе биде предаден под надлежност на ЈКП „Дервен“.