Инспекторите со полни раце работа, но без плата: Ќе го дочекаат ли 1 Мај со празни паричници?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Инспекторите со полни раце работа, но без плата: Ќе го дочекаат ли 1 Мај со празни паричници?

27 април 2025

• од Вардарски

Вработените во повеќе државни институции, меѓу кои трудовите и пазарните инспектори, како и дел од обвинителството и вработените во Водостопанство, сè уште се без мартовската плата. И покрај тоа што законскиот рок за исплата на плати беше до 15 април, овие службеници продолжуваат со работа на терен, често и за време на викендите, и тоа на сопствен трошок.

„Особено е трагично што инспекторите кои деноноќно работат на терен, во трговијата, угостителството и други области, тоа го прават со празни паричници“, вели Трпе Деаноски, претседател на Синдикатот на УПОЗ. Од Синдикатот се прашуваат дали овие вработени ќе го дочекаат и трудбеничкиот 1 Мај без заработените плати.

Проблемите, според УПОЗ, започнале со реорганизацијата на Владата кон крајот на минатата година, кога поради административни пропусти, инспекторатите останале без правен статус, што доведе до доцнење на исплатата на платите за декември. Најмалку 988 вработени во различни инспекторати останале без примања, што дополнително ги влошило нивните финансиски состојби.

Состојбата станува уште поиронична ако се земе предвид дека токму трудовите инспектори, чие задолжение е да ја следат примената на Законот за работни односи, самите се соочуваат со прекршување на нивните работнички права.

„Страдаат оние кои треба да ги штитат другите работници. Пазарните инспектори спроведуваат владини мерки, контролираат нефер трговски практики, а се вклучени и во акцијата по трагедијата во Кочани – сето тоа без да добијат плата“, истакнува Деаноски.

Од Синдикатот најавуваат тужби за непочитување на работничките права, иако, како што забележува Слободан Трендафилов од ССМ, парадоксално ќе треба инспекторите да ги тужат институциите каде што самите работат.

Според последните законски измени, трудовите инспектори од 1 март 2025 година се вработени во новоформираното Министерство за економија и труд, без формален прекин на работниот однос. Но, административните компликации и недовршената законска регулатива го закомплицираа преминот, резултирајќи со доцнење во исплатата на платите.

Работниците од овие институции сè уште чекаат одговор и исплата, додека трпеливо ја извршуваат својата работа. Одговорноста, велат од Синдикатот, е кај Министерството за финансии, кое не ги исполнило своите законски обврски.