Интензивна потрага по исчезнато повозрасно лице од штипското село Степанци

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Интензивна потрага по исчезнато повозрасно лице од штипското село Степанци

13 април 2025

• од Вардарски

И покрај големата мобилизација на институции, доброволци и локално население, повозрасно лице од селото Степанци, во општина Штип, сè уште не е пронајдено. Спасувачките тимови веќе неколку дена се ангажирани во обемна потрага по лицето, кое последен пат било видено на 5 април, а неговото исчезнување било пријавено два дена подоцна – на 7 април, во 16:20 часот, преку бројот за итни случаи 112.

Центарот за управување со кризи (ЦУК) соопшти дека во потрагата активно се вклучени припадници на МВР – Штип, Локалната самоуправа, како и бројни здруженија, доброволци и граѓани. На 12 април, во селото Лакавица, се собрале околу 70 до 80 луѓе, кои биле распоредени во групи за пребарување на поширокиот реон околу Степанци.

Покрај полицијата, на терен беа присутни и членови на извидничкиот одред „Еквинокс – Штип“, ловци од ЛЗ „Ловец“ – Штип, како и вработени од Регионалниот ЦУК Штип. Голема помош дадоа и мештани од околните села, како и роднини на исчезнатото лице. Одредени групи од подалечни населени места се организираа самостојно и пребаруваа во нивната околина.

Пребарувањето вклучи и користење на неколку дронови – и службени и приватни – за систематска проверка на тешко пристапни подрачја, како длабоки долови и вирови долж надојдената рекичка Лакавица. Дополнително, ловочуварите од ловиштето „Лакавица – Патрик“ го претресуваа теренот и ги анализираа снимките од поставените видеокамери.

Иако резултати сè уште нема, роднините на исчезнатото лице јавно се заблагодарија на сите кои несебично се вклучија во потрагата – директно или индиректно – и апелираа за продолжување на потрагата со иста посветеност.

Надежта останува жива, а потрагата продолжува со ист интензитет и во наредните денови.