Интернет измама: „Македонскиот доктор“ е познат порно актер од Шпанија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Интернет измама: „Македонскиот доктор“ е познат порно актер од Шпанија

24 мај 2025

• од Вардарски

Вирална објава на социјалните мрежи тврди дека извесен Стојанче Михајловски од скопското село Стајковци освоил прво место на европски натпревар за студенти по медицина и фармација. Во описот се наведува дека тој е студент по медицина, син на трговец и пекар, и дека македонските медиуми го игнорирале неговиот успех поради неговото „обично“ семејно потекло. Објавата е пропратена со фотографија од млад човек во бел мантил и предизвика лавина од реакции, со илјадници честитки и споделувања.

Но, вистината е сосема поинаква.

Вистиномер: Стојанче не постои, а ликот на фотографијата е добро познат на интернет

Сајтот за проверка на факти Вистиномер направил истражување на оваа објава и дошол до сосема различен заклучок. Прво, не постои никаква трага од најавениот „европски натпревар за студенти по медицина и фармација“. Ниту пак има некакви медиумски извештаи, ниту официјални податоци кои би ја потврдиле ваквата информација.

Второ, преку пребарување на фотографијата, откриено е дека личноста која се претставува како Стојанче од Стајковци всушност е шпанскиот порно актер Анхел Муњоз, познат под уметничкото име „Жорди Ел Нињо Пола“. Неговата фотографија во бел мантил е користена и претходно во низа лажни објави низ светот – од доктор кој измислил вакцина, до херој кој жртвувал живот за време на пандемијата.

Оваа фотографија веќе со години кружи по интернет и е користена за создавање лажни наративи во разни земји, секогаш со емоционално набиени приказни и без вистинска проверка на фактите. Колумбиските и шпанските сајтови за проверка на факти (Colombiacheck, Maldita.es) веќе имаат разобличено неколку такви објави во кои овој актер е претставен како лекар, научник, па дури и судија.

Заклучок: Класична интернет манипулација

Ниту постои Стојанче од Стајковци, ниту тој победил на некаков европски натпревар. Ова е уште еден пример за тоа како социјалните мрежи се користат за ширење лажни вести, каде што фотографии од јавни личности (понекогаш дури и порно актери) се користат за измислување сензационалистички приказни.

Апел до корисниците на социјалните мрежи: пред да поверуваат или споделат вакви објави, нека направат едноставно пребарување или проверат кај кредибилни извори. Една фотографија може да биде извор на заблуда – ако не знаете кој навистина е на неа.