ИРЛ отвора сериозни сомнежи: Дали жртвите во „Пулс“ навистина починале од јаглерод моноксид?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ИРЛ отвора сериозни сомнежи: Дали жртвите во „Пулс“ навистина починале од јаглерод моноксид?

23 декември 2025

• од Станча Јаќимовски

Истражувачката репортерска лабораторија (Истражувачка репортерска лабораторија – ИРЛ) објави анализа што отвора сериозни дилеми околу официјално утврдената причина за смртта на жртвите во пожарот во ноќниот клуб Пулс во Кочани.

Иако кај 50 починати лица во обдукциските извештаи како причина за смрт е наведено труење со јаглерод моноксид, ИРЛ наведува дека кај ниту едно од тие лица не биле измерени концентрации на гасот кои би се сметале за фатални. Овој факт, според истражувачите, сериозно го доведува во прашање официјалното објаснување за трагедијата.

Според анализата на ИРЛ, комбинацијата од хемиски и градежни вештачења, како и сведочењата на преживеаните, укажува дека при пожарот гореле материјали кои ослободуваат исклучително токсични гасови. Како особено опасен се посочува водородниот цијанид – гас што настанува при согорување на полиуретански сунѓер, материјал кој често се користи во ентериерите на ноќни клубови и други затворени објекти.

Медицински лица кои учествувале во спасувањето и во згрижувањето на повредените опишуваат ненадејни колапси и смрт во рок од неколку минути. Ваквата клиничка слика, според ИРЛ, не одговара на класично труење од чад или јаглерод моноксид, туку повеќе наликува на дејство на брзоделувачки отровни гасови.

И покрај овие индиции, ИРЛ нагласува дека во обдукциските постапки не биле направени токсиколошки анализи за присуство на цијанид во организмите на починатите. Отсуството на вакви анализи, според лабораторијата, остава отворено клучното прашање – која е вистинската причина за смртта на жртвите во пожарот во „Пулс“.

Истражувањето на ИРЛ ја актуелизира потребата од целосно и темелно преиспитување на наодите, со цел јавноста да добие јасни и научно поткрепени одговори за една од најтешките трагедии во поновата историја.

Извор: Истражувачка репортерска лабораторија (ИРЛ)