Историчарот Димитар Димитров: Македонизмот започна како политички проект на Тито

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Историчарот Димитар Димитров: Македонизмот започна како политички проект на Тито

26 септември 2025

• од Станча Јаќимовски

Во интервју за бугарскиот портал Actualno, историчарот и издавач Димитар Димитров зборува за настаните поврзани со појавата и развојот на македонизмот. Тој посочува дека теоријата на македонизмот започнува со обидот да се искоренат бугарските културни и духовни корени во Македонија.

Првата задача на новите власти по Втората светска војна била протерување на бугарските учители и свештеници. Кога тоа не успеало целосно, Јосип Броз Тито одлучил да создаде Македонска народна република во рамките на Југославија. Со самото постоење на републиката било неопходно да се прогласи и постоење на македонци и македонски јазик.

Овој процес интензивно започнал по 1944 година. Користена била и околноста што бугарската војска тогаш се нашла на страната на Германија. Следувал крвавиот настан познат како „Крвава Коледа“, кога биле убиени многу Бугари кои ѝ помагале на бугарската армија. Паралелно со тоа започнала и силна пропаганда од страна на нарачани македонски историчари и медиуми против Бугарија – слика што, според Димитров, опстојува до денес.

Македонскиот алманах

Во разговорот, Димитров се осврна и на последното издание на издавачката куќа „Тангра“ – „Македонски алманах“. Тој објаснува дека по Балканските војни и Втората светска војна, многу Бугари од Вардарска и Пиринска Македонија се населиле во САД и Канада. Тие во 1940 година ја основале Македонската патриотична организација и решиле да издадат македонски алманах за да се зачува споменот за нивното потекло и историските настани.

Алманахот бил пишуван на бугарски јазик, од Бугари од Македонија, и претставува сведоштво за животот и идентитетот на тие заедници. По многу децении, ова дело денес е повторно издадено и нуди драгоцени историски информации.

Новото издание на „Македонскиот алманах“ ќе биде промовирано на 2 октомври во Софискиот универзитет „Св. Климент Охридски“, под раководство на ректорот проф. д-р Георги В'лчев.

Извор: Actualno