Истрага против криминална група за даночно затајување и перење пари

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Истрага против криминална група за даночно затајување и перење пари

26 август 2025

• од Станча Јаќимовски

Јавното обвинителство денеска соопшти дека е спроведена голема акција на повеќе локации низ државата, како резултат на двегодишна предистражна постапка на Основното јавно обвинителство за гонење организиран криминал и корупција (ОЈО ГОКК), во соработка со Управата за финансиска полиција.

Истражна постапка против 13 лица

Според Обвинителството, издадена е наредба за спроведување истражна постапка против 13 лица, меѓу кои четворица косовски државјани и една државјанка на Хрватска. Тие се сомничат дека во периодот од 2014 до 2023 година организирале и учествувале во криминална група со цел стекнување противправна имотна корист преку даночно затајување, даночна измама и перење пари.

Со ваквото дејствување, групата предизвикала сериозна штета на Буџетот на државата.

Шема со фиктивна трговија со нафтени деривати

Осомничените креирале мрежа од правни субјекти преку кои се вршела фиктивна трговија со нафтени деривати. Изготвувале фактури со невистинита содржина за да избегнат плаќање даноци и незаконски да остварат поврат на ДДВ. Дополнително, преку компании што немале дозвола за трговија со нафтени деривати вршеле набавка, транспорт и продажба на Еуросупер, Еуродизел и Екстралесно гориво.

Продажбата најчесто се одвивала без издавање на фискални сметки, а готовинските средства не биле евидентирани во сметководствената документација. За прикривање на трагите, како одговорни лица формално биле назначувани странски државјани без регулиран престој во земјава.

Перење пари и прикривање на приходите

Организаторите на групата дел од готовината пуштале во оптек и вршеле пренос на пари со цел да го прикријат нивното потекло. Така се стекнале со голема противправна имотна корист, знаејќи дека истата е прибавена со кривично дело.

Мерки притвор

Јавниот обвинител предложи определување мерка притвор за сите осомничени. До сега, за седум лица е прифатен предлогот и судот им одреди притвор во траење од 30 дена. За останатите шестмина, меѓу кои и петмина странски државјани, мерката ќе биде определена во отсуство.