Истрага за убиството во Бардовци: Димитар Спасов обвинет за убиство

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Истрага за убиството во Бардовци: Димитар Спасов обвинет за убиство – институциите под лупа

08 август 2025

• од Станча Јаќимовски

Основното јавно обвинителство Скопје отвори кривична постапка за убиството што неодамна се случи во Психијатриската болница „Скопје“ – Бардовци. Осомничен е 36-годишниот Димитар Спасов, кој со стаклено шише усмртил друг пациент по наводна кавга за легло. Спасов, инаку хоспитализиран поради претходно извршено убиство, останал во истата соба и по настанот.

Против Спасов е поведена постапка за кривично дело „убиство“ по член 123 став 1 од Кривичниот законик. Поради опасност од повторување на делото, јавниот обвинител побарал притвор. Обвинителството дополнително ќе побара целосна документација за неговото лекување, особено во однос на спроведувањето на мерката за задолжително психијатриско лекување.

Случајот предизвика бурни реакции во јавноста, особено по медиумските извештаи дека Спасов, кој во 2012 година беше прогласен за непресметлив по убиството на својата мајка, бил забележан како слободно се движи низ населбата Ѓорче Петров, па дури и посетувал кафеани. Полицискиот надзор врз него бил укинат со судска одлука, по што тој се враќал и излегувал од болницата без контрола.

Дополнително загрижувачки е фактот што Спасов бил активен на социјалните мрежи, каде споделувал вознемирувачки и насилни содржини – вклучително и видеа со повици на тепачка и инструкции за насилство врз други пациенти. Сведочења од вработени во болницата посочуваат и на случаи на закани, малтретирање, присуство на алкохол во установата и нерешени поплаки, кои не резултирале со засилен надзор или други мерки.

Жртвата, идентификувана со иницијалите И.Т., беше пронајдена мртва во собата на Спасов. Телото е дадено на обдукција, а јавноста бара одговорност и истрага за пропустите во надзорот и третманот на опасни пациенти.

Овој трагичен случај повторно ја отвори дебатата за состојбите во психијатриските установи во земјава, нивната способност да третираат опасни пациенти, како и за институционалната одговорност кога пропустите резултираат со повторено убиство. Се поставуваат сериозни прашања за пристапот на пациенти до интернет, социјални мрежи, алкохол, но и за целосната ефикасност на системот за психијатриско лекување и рехабилитација.