Истражување: Македонските компании далеку од зелена економија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Истражување: Македонските компании далеку од зелена економија

08 септември 2025

• од Гоце Кически

Податоците од најновото истражување спроведено во рамки на програмата Greening Financial Systems (GFS) откриваат сериозна неподготвеност на македонските компании за транзиција кон зелена економија. Според Европската инвестициска банка (ЕИБ), над 300 средни и големи претпријатија биле анкетирани, а резултатите се повеќе од алармантни.

Имено, само 7 проценти од испитаниците се идентификувале како експерти во областа на одржливоста, додека дури 30 проценти изјавиле дека воопшто не се запознаени со концептот. Овој недостаток на знаење и свесност сериозно ја доведува во прашање способноста на бизнис секторот да се прилагоди на глобалните стандарди и климатските предизвици.

Иако повеќе од една четвртина од анкетираните го гледаат преминот кон позелени практики како можност за конкурентна предност и зголемување на приходите, останатите резултати укажуваат на длабок јаз меѓу декларативните ставови и реалната подготвеност.

Дополнително загрижува фактот што развојот на рамка за обелоденување на климатските ризици за банките ќе биде финализиран дури во 2025 година, што значи дека во следните неколку години финансискиот систем ќе остане без јасни насоки за справување со овие ризици.

Иако во рамки на програмата се нудат обуки, алатки и техничка помош, вистинскиот проблем лежи во недоволната проактивност на компаниите и банките. Тие се уште се потпираат на надворешна поддршка, наместо сами да развиваат стратегии за одржливост и климатска отпорност.

Програмата, која започна во мај 2024 година, е финансирана од германското Министерство за економија и климатска акција, но и покрај меѓународната помош, Македонија очигледно заостанува зад регионалните и европските трендови.

Со вакво ниво на неподготвеност, земјата ризикува не само да ги пропушти шансите за зелени инвестиции, туку и да се соочи со сериозни економски и финансиски последици од климатските промени.