17 декември 2025
• од Станча Јаќимовски
Државјанин на Италија и државјанин на Кина биле лишени од слобода откако се обиделе да влезат во Република Северна Македонија со лажни документи, информира Министерството за внатрешни работи.
Настанот се случил вчера во раните утрински часови, околу 01:50 часот, на Граничниот премин „Меѓународен Аеродром Скопје“, при влез во државата. Полициските службеници при редовна гранична контрола утврдиле дека М.Х. (26) од Италија и Ч.Л. (27) од Кина приложиле фалсификувани патни документи.
По откривањето на неправилностите, двете лица биле веднаш приведени и задржани во Полициската станица Гази Баба, каде што се спроведува понатамошна постапка во согласност со законските прописи.
Од МВР најавуваат дека по целосно расчистување на случајот ќе следуваат соодветни мерки и санкции согласно важечкото законодавство.
Ненадминливи Понуди Дневно
4.8 (10276 рецензии)
Заштедете 152.00 ден

