Иванка Трамп вложува 1,4 милијарди во Албанија – Владата подарува ресурс од милиони на „Алказар Енерџи“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Иванка Трамп вложува 1,4 милијарди во Албанија – Владата подарува ресурс од милиони на „Алказар Енерџи“

14 август 2025

• од Станча Јаќимовски

Иванка Трамп, ќерката на поранешниот американски претседател Доналд Трамп, го купи албанскиот остров Сазан со површина од 5,5 км² за 1,4 милијарди долари. Планот е преку развој на туризмот да ги поврати вложените средства и да оствари профит, преземајќи значителен дел од ризикот доколку проектот не успее.

Домашниот парадокс: профит за приватна фирма, загуба за државата

Во исто време, во нашата земја Владата без значителен финансиски надомест ѝ отстапи 3,4 км² ридски предели – идеални за изградба на државен ветропарк – на приватната компанија „Алказар Енерџи“. Така компанијата добива ресурс што може да генерира околу 83 милиони евра годишно од продажба на електрична енергија, додека државата останува без можност да го искористи истиот капацитет во сопствена корист.

Минимална добивка за државата

Вредноста на доделеното земјиште, според пазарната цена на слични парцели, изнесува приближно 480 илјади евра. Доколку државата го издаваше под закуп, годишниот приход би бил околу 24 илјади евра – износ еднаков на приход од едно кафуле. Наспроти тоа, „Алказар Енерџи“ ќе заработува десетици милиони евра годишно, без да преземе значителен ризик.

Загубена шанса за енергетска самостојност

Посебно загрижувачки е што државата се откажува од изградба на сопствен ветропарк на најпогодната локација во земјата. Таков проект би обезбедил електрична енергија по стабилна цена од околу 60 евра за мегават-час, овозможувајќи и стабилни приходи за буџетот. Наместо тоа, државата ќе мора да купува струја, можеби токму од „Алказар Енерџи“, по берзански цени од најмалку 100 евра за мегават-час.

Недостиг на транспарентност

Додека Иванка Трамп јавно вложува сопствени средства со неизвесен поврат, домашната влада без тендер, јавен повик или парламентарна расправа – како што бара Законот за стратешки инвестиции – додели ресурс со загарантиран профит на приватен инвеститор. Ваквата одлука не беше најавена пред изборите, ниту беше предмет на јавна дебата, што отвора сериозни прашања за транспарентноста и интересите што стојат зад зделката.