Ивон: С. Македонија ја затвора југословенската врата и гледа кон НАТО иднината

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ивон: С. Македонија ја затвора југословенската врата и гледа кон НАТО иднината

03 мај 2025

• од Вардарски

Поранешниот пратеник Ивон Величковски упатува силна и јасна порака: времето на Југославија одамна помина, а Северна Македонија сега стои на нови, посилни темели. „БЈРМ беше последната југословенска караула на западниот Балкан“, вели Величковски, но веднаш додава — денес, Северна Македонија е горда членка на НАТО, дел од јужното крило на Алијансата, која игра важна улога и како транзитна точка кон источниот фронт.

Оваа нова геополитичка реалност, според Величковски, ја отфрла земјата од наративите за „српскиот свет“ за кои зборуваат некои балкански политичари. Македонија веќе не е простор за старите идеи на југословенско-советските соништа. „Наместо тоа, Македонците градат модерна нација — нешто што на старите економско-политички тајкуни нималку не им се допаѓа“, остро порачува Величковски.

Но, токму тука лежи и најголемиот ризик. Според него, вистинската закана не доаѓа однадвор, туку од внатре — од опозицијата. „Опасноста е огромна ако опозицијата не го препознае овој процес, уште поголема ако го препознае, но молчи, а најголема ако одлучи да го саботира“, предупредува тој. Величковски е дециден: опозицијата мора да избере — или ќе биде дел од националното единство со граѓаните, или ќе влезе во опасна игра на моноетничко единство со ВМРО-ДПМНЕ.

На крајот, тој испраќа јасен повик: ако опозицијата навистина сака да работи за доброто на државата, мора да инсистира на надополнување на преамбулата на Уставот согласно Преспанскиот договор и на измените на законот за неговата примена. Само така Македонија ќе може да продолжи напред — не кон минатото, туку кон стабилна, европска иднина.