Ивон Величковски: Намерно се создава омраза кон Бугарите и Албанците за да не се изгради Коридорот 8

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ивон Величковски: Намерно се создава омраза кон Бугарите и Албанците за да не се изгради Коридорот 8

16 април 2025

• од Вардарски

Коридорот 8, големиот трансевропски инфраструктурен проект кој треба да ја поврзе Албанија, Македонија и Бугарија, со години останува нереализиран. Според Ивон Величковски, поранешен пратеник и активен аналитичар на регионалната политика, причините не се технички – туку длабоко политички и геостратешки.

„Зошто? Затоа што тука била поентата – Македонците мора да се држат антагонизирани,“ вели Величковски, укажувајќи на стратешката цел да се одржи контролата над коридорот кон Егејското Море. „Морало да се држи коридор. Тој коридор е по Повардарието.“

Според него, идејата била Македонија да се одржува во постојан внатрешен конфликт – со Албанците, со Бугарите, а по можност и со Грците – со цел да се блокира секоја сериозна интеграција и развој. Таа конфликтизација, како што ја нарекува Величковски, не е случајна, туку систематски одржувана од надворешни центри на моќ, но и од внатрешната „длабока држава“ – олигархиски структури кои дејствуваат зад институциите.

„И тоа е причината зошто Коридорот 8 не е функционален ден-денес,“ предупредува тој.

Контрастот со Бугарија, според него, е очигледен. „Во Бугарија, на пример, нивниот вицепремиер, министер за транспорт и министер за одбрана држат заедничка презентација за значењето на Коридорот 8. Велат – ние сме подготвени веднаш да почнеме со копањето на тунелот. Остануваат само уште неколку километри за довршување.“

Клучниот проблем, вели Величковски, лежи во олигархијата во Македонија – структури поврзани со Белград, кои свесно го блокираат развојот на Коридорот 8 за да се зачува геополитичкиот интерес на Србија. Оваа поврзаност не е само политичка, туку и економска, и се протега низ институции, бизниси и медиуми.

„Српското влијание во Македонија е длабоко вкоренето. Тоа се манифестира преку луѓе и структури што го попречуваат секој чекор напред – и тоа не од непознавање, туку од интерес,“ истакнува Величковски.

Во суштина, неговата анализа упатува на тоа дека додека другите земји активно работат на инфраструктурата и регионалната поврзаност, Македонија останува заглавена во внатрешни поделби – поделби што, според него, се намерно поттикнувани за да се спречи секој вистински напредок.