Ивон Величковски: Скандирањата во Куманово се пораз на југословенската политика на Скопје

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ивон Величковски: Скандирањата во Куманово се пораз на југословенската политика на Скопје

04 август 2025

• од Станча Јаќимовски

Скандирањата што се слушнаа вчера во Куманово, според политичкиот аналитичар Ивон Величковски, претставуваат јасен сигнал за неуспехот на „југословенската политика“ што со години ја водат владејачките македонски партии. „Овие скандирања не се случајни, тие се изнудени. Следно ќе гледаме тепачки по автобуските постојки. Сè е веќе видено“, предупредува Величковски.

„Празното Крушево испрати три пораки“

Според него, неуспехот на власта се гледа и во слабата посета на одбележувањето на Илинден во Крушево, кое „испратило три јасни пораки“ до традиционалните партии:

Граѓаните веќе не сакаат да слушаат за сувопарно партиско „џвакање“ на илинденската идеја.
Илинден е дел од идентитетот на Македонците и немакедонците во Северна Македонија, но без партиска присвојност.
Националното значење на Илинден веќе не е врзано за партиите кои ја вовлекоа земјата во „српскиот свет“.

Величковски потсетува и на последниот извештај на Европскиот парламент, кој ги означи владејачките партии како изведувачи на политиките на Белград. „Партиско-државните делегации од Скопје веќе се непотребни дури и за билатерални средби во Св. Прохор Пчињски“, вели тој.

Молкот како легитимирање на шовинизмот

Величковски смета дека со неделување, власта го легитимира скандирањето „Чиста Македонија“. „Премиерот и надлежниот министер вчера имаа само една задача – полицијата да ги отстрани навивачите кои поттикнуваа етничка нетрпеливост и да ги процесуира нивните постапки. Кога тоа не го направија, денес премиерот мора да побара од министерот за спорт да санкционира или да поднесе оставка“, истакнува тој.

Отсуството на институционална реакција, според него, покажува злонамерна политика на власта што толерира говор на омраза, а тоа може да ја загрози и самата кошаркарска федерација.

„Главниот противник на ‘Чиста Македонија’ е народот на Северна Македонија“

Величковски појаснува дека шовинистичките повици не се насочени само кон немакедонците, туку и против „мнозинството несистемски Македонци и сите останати народи“ кои се убедливо мнозинство во државата. „Ние ги живееме идеалите на Илинден во независна и суверена Северна Македонија – членка на НАТО и идна членка на ЕУ“, додава тој.

Критика кон власта и „опозицијата“

„Овие луѓе на 1 август пеат ‘Ја сам Југословенка’ со Лепа Брена, на 2 август се колнат во Илинден, а на 4 август бараат грантови за НВО-проекти за мултикултурализам“, вели Величковски, обвинувајќи ја власта за лицемерие.

Тој исто така ги отфрла повиците за „единство“ од страна на дел од опозициските функционери. „Ако сакате единство со нив – станувате дел од нив. Против сите нас. По кочанската трагедија, ние сме на една, а тие на друга страна“, заклучува Величковски.