Изречени казни за правни лица – загадувачи во Скопје, најавени построги контроли

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Изречени казни за правни лица – загадувачи во Скопје, најавени построги контроли

23 декември 2025

• од Станча Јаќимовски

Инспекторатот за животна средина изрече казни за правни лица кои го загадуваат воздухот во Скопје, по спроведени засилени и координирани инспекциски контроли на терен во изминатите два дена. Ова го соопшти градоначалникот на Скопје, Орце Ѓорѓиевски, преку објава на својот Фејсбук профил.

Како што информира Ѓорѓиевски, мерките се преземени поради сериозното загадување на воздухот и пробивањето на дозволените гранични вредности, утврдени преку државниот мониторинг систем. Тој истакнува дека состојбата барала итна и решителна реакција, при што било јасно покажано дека законот важи за сите.

„Нема толеранција за никого – изречени се казни за загадувачите во Скопје. Како градоначалник, но и како граѓанин што го дише истиот воздух, немав право да молчам“, напиша Ѓорѓиевски, додавајќи дека контролите ќе продолжат уште поинтензивно и поодлучно.

Градоначалникот апелира до граѓаните активно да се вклучат во борбата против загадувањето и да пријавуваат потенцијални загадувачи на електронската адреса prijavizagaduvachi@skopje.gov.mk.

Паралелно со репресивните мерки, Град Скопје објави и низа препораки и заштитни мерки за граѓаните поради загадениот воздух, кои се јавно достапни на официјалната веб-страница на градот. Овие мерки, според Ѓорѓиевски, веќе се применуваат и претставуваат важен сегмент од заедничката борба за почист воздух.

Во објавата, тој ја поздрави и заложбата на Владата за спроведување долгорочни политики и проекти, меѓу кои Стратегијата за почист воздух 2024–2030, субвенциите за инвертер клими, поставувањето прочистувачи на воздух во градинките, пошумувањето, гасификацијата, како и изградбата на нови когенеративни централи и паркови со прочистувачи на воздух.

„Борбата за почист воздух е заедничка. Секој поединечен придонес е важен, но за она што е во надлежност на Градот Скопје, порачувам јасно – нема да има никаква толеранција. Здравјето на скопјани е наш апсолутен приоритет“, порача градоначалникот Ѓорѓиевски.