Кацарска: Кој го мести премиерот со лажни информации за враќање на 5.000 денари од пензионерите?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кацарска: Кој го мести премиерот со лажни информации за враќање на 5.000 денари од пензионерите?

10 декември 2025

• од Станча Јаќимовски

Уставната судијка Добрила Кацарска во гостување во емисијата „Директно“ на ТВ Телма остро реагираше на изјавата на премиерот дека токму таа го потпишала конечниот акт со кој се наложува пензионерите да ги вратат средствата од по 5.000 денари. Кацарска категорично го демантираше ова, посочувајќи дека премиерот бил дезинформиран.

Во своето обраќање, таа се повика и на праксата на Европскиот суд за човекови права во Стразбур, нагласувајќи дека пензиите се третираат како имот согласно Член 1 од Протокол 1 на Европската конвенција за човекови права. Таа додаде дека судот во повеќе наврати истакнал дека вакви права мора да бидат заштитени.

Кацарска посочи дека премиерот „по вокација не е правник“, па е разбирливо доколку не ги познава деталите од судските постапки. Но таа праша кој стои зад дезинформациите што му биле доставени:

„Би сакала да нагласам дека некој му дава грешни информации на премиерот, намерно или ненамерно не знам… Но прашање е кој тоа го мести премиерот со давање на лажни информации.“

Таа потенцираше дека не знае дали дезинформацијата доаѓа од Уставниот суд или од некој советник, но дека премиерот самиот треба да провери од каде произлегла оваа неточна информација и зошто е пласирана како фактичка состојба.

Со ова, Кацарска испрати силна порака за транспарентност и точност во комуникацијата меѓу институциите, особено кога станува збор за чувствителни прашања како што се правата на пензионерите.